கோவை, நீலகிரியில் விட்டு விளாச போகுது மழை! கொளுத்தும் வெயிலுக்கு வானிலை மையம் ”ஜில்” அப்டேட்

சென்னை: தமிழகத்தில் வெயில் நாளுக்கு நாள் அதிகரித்து வரும் நிலையில் நாளை முதல் 9 ஆம் தேதி வரை மழைக்கு வாய்ப்பு உள்ளதாக வானிலை ஆய்வு மையம் தெரிவித்துள்ளது. குறிப்பாக நாளை மற்றும் நாளை மறுநாள் கோவை, நீலகிரியில் மழைக்கு வாய்ப்பு உள்ளது எனவும், தென் தமிழகத்தில் மேற்கு தொடர்ச்சி மலைப்பகுதிகளில் மழை பெய்ய வாய்ப்பு இருப்பதாக வானிலை மையம் கூறியுள்ளது.

தமிழகத்தில் கடந்த மாதம் இறுதியில் ஓரிரு இடங்களில் லேசான மழை பெய்தது. வங்கக் கடலில் உருவான காற்றழுத்த தாழ்வு பகுதி காரணமாக தென் மாவட்டங்கள், தஞ்சை உள்ளிட்ட டெல்டா மாவட்டங்களில் கனமழை கொட்டியது. பிப்ரவரி மாதத்தில் இயல்பை விட இந்த ஆண்டு சற்று மழை அதிகம் பெய்தது.

இதன் பிறகு வெயில் அதிகரிக்க தொடங்கியது. நாளுக்கு நாள் படிப்படியாக வெயில் அதிகரித்து வருகிறது. இந்த நிலையில் தான் நாளை முதல் தமிழகத்தில் மீண்டும் மழைக்கு வாய்ப்பு உள்ளதாக வானிலை மையம் கூறியுள்ளது. நாளை கோவை மற்றும் நீலகிரியில் மழைக்கு வாய்ப்பு உள்ளது.

நாளை மறுநாள் தென் தமிழகம் மற்றும் மேற்கு தொடர்ச்சி மலைப்பகுதியை ஒட்டிய இடங்கள், கோவை, நீலகிரி உள்ளிட்ட பகுதிகளில் மழைக்கு வாய்ப்பு உள்ளது. வரும் 9 ஆம் தேதி வரை தமிழகத்தில் ஓரிரு இடங்களில் மழைக்கு வாய்ப்பு இருக்கிறது. இதன் பிறகு தமிழகத்தில் வறண்ட வானிலை நிலவும் என்று கூறியுள்ளது.

English summary

Coimbatore Rain: As temperatures continue to rise across Tamil Nadu, the Meteorological Department has forecast chances of rain from tomorrow until March 9. Coimbatore and the Nilgiris may receive rainfall over the next two days, with showers also expected in Western Ghats regions of south Tamil Nadu.