வேலூர் என்ன அன்டார்டிகாவிலா இருக்கு? ஊட்டிக்கு நிகராக வாட்டும் குளிர்.. வெதர்மேன் கொடுத்த வார்னிங்
சென்னை: கடந்த 12ம் தேதியுடன் பருவமழை தமிழகத்திலிருந்து விலகியது. இருப்பினும் குளிரின் தாக்கம் குறையவில்லை. இந்நிலையில் கொடைக்கானல், தென்னிந்தியாவின் மிகவும் குளிர்ந்த பகுதியாக மாறியிருப்பதாக தமிழ்நாடு வெதர்மேன் கூறியிருக்கிறார். அதேபோல வேலூரில் மிக குறைந்த அளவுக்கு குளிர் பதிவாகியிருப்பதாகவும் தெரிவித்திருக்கிறார்.
இது குறித்து தனது x பக்கத்தில் அவர் பதிவிட்டிருப்பதாவது, "ஜனவரி 22 அன்று, கொடைக்கானலில் குறைந்தபட்ச வெப்பநிலை 3.9 டிகிரி செல்சியஸ் ஆகப் பதிவானது. அத்துடன், தென்னிந்தியாவின் மிகக் குளிரான பகுதியாக கொடைக்கானல் மீண்டும் முதலிடம் பிடித்துள்ளது.
ஜனவரி மாதத்தில் கொடைக்கானலில் இதுவரை பதிவாகியுள்ள முதல் 10 தீவிர குளிர் பதிவுகளைப் பார்ப்போம். இந்த ஆண்டு மட்டும் 3 பதிவுகள் இந்தப் பட்டியலில் இணைந்துள்ளன.
ஜனவரி மாதத்தில் கொடைக்கானலில் பதிவான மிகக் குறைவான முதல் 10 வெப்பநிலைப் பட்டியல் இதோ:
- 2003 ஜனவரி 5 (0.6°C)
- 1976 ஜனவரி 7 (2.7°C)
- 1965 ஜனவரி 22 (2.8°C)
- 1975 ஜனவரி 15 (3.2°C)
- 1975 ஜனவரி 14 (3.3°C)
- 2026 ஜனவரி 8 (3.4°C - இந்த ஆண்டு)
- 1976 ஜனவரி 22 (3.5°C)
- 1976 ஜனவரி 6 (3.7°C)
- 1975 ஜனவரி 6 (3.8°C)
- 2026 ஜனவரி 22 (3.9°C - இந்த ஆண்டு)
- மேலும் 2026 ஜனவரி 21 அன்று 4.0°C (இந்த ஆண்டு) பதிவாகியுள்ளது.
ஜனவரி 22 நிலவரப்படி, தென்னிந்தியாவில் உள்ள பிற முக்கிய மலைவாசஸ்தலங்களின் குறைந்தபட்ச வெப்பநிலை கீழ்கண்டவாறு பதிவாகியுள்ளது:
- ஊட்டி 5.2°C
- வட்டாடா (இடுக்கி) 7.5°C
- அரக்கு 7.9°C
- குன்னூர் 8.4°C
- வால்பாறை 10.0°C
- ஏற்காடு 10.0°C
- ஜவ்வாது மலை (வேலூர்) 11.3°C.
இன்று, மற்ற நகரங்களில் பதிவான குறைந்தபட்ச வெப்பநிலை இதோ:
- தேன்கனிக்கோட்டை 13.1°C
- விரிஞ்சிபுரம் (வேலூர்) 13.6°C
- பாலக்கோடு (தருமபுரி) 15.2°C,
- திருப்பத்தூர் 15.3°C
- தருமபுரி 16.0°C
- வேலூர் 16.3°C
- திருத்தணி 16.4°C
- கரூர் 16.5°C.
என பதிவிட்டிருக்கிறார். வேலூர் மாவட்டத்தில் வழக்கமாக வெயில்தான் பட்டையை கிளப்பும். ஆனால், இந்த முறை குளிரும் வாட்டி வதைத்துள்ளது.
Click it and Unblock the Notifications
Sign in with Google