சிட்னியில் 5000 பேர் கொடுத்த நிர்வாண போஸ்!

மெல்போர்ன்:ஆஸ்திரேலியாவின் சிட்னி நகரில் உள்ள ஓபரா ஹவுஸ் முன்பு கூடிய 5000 பேர் நிர்வாண போஸ் கொடுத்தனர்.

ஓபரா ஹவுஸின் படிகளில் நிர்வாணமாக நின்று போஸ் கொடுத்தனர் இவர்கள். ஸ்பென்சர் டுனிக் என்பவர் தி பேஸ் என்ற பெயரிலான புகைப்படத் தொகுப்பை உருவாக்குகிறார். இந்தப் படைப்புக்காகத்தான் இந்த நிர்வாண போஸ் கொடுக்கும் படலம் நடந்தது.

சிட்னியில் நடந்து வரும் ஓரினச்சேர்க்கையாளர் திருவிழாவின் ஒரு அங்கமாக இந்த கலைப்படைப்பை உருவாக்குகிறார் டுனிக்.

டுனிக்கின் ஸ்பெஷாலிட்டி என்னவென்றால் பெரும் கும்பலாக மனிதர்களை நிர்வாணமாக நிறுத்தி புகைப்படம் எடுப்பதுதான். நிர்வாண கோல புகைப்படங்களை மட்டுமே எடுப்பவர் இவர் என்பது குறிப்பிடத்தக்கது.

சிட்னியில் நடந்த நிர்வாண போஸ் கொடுக்கும் நிகழ்ச்சியில், ரக்பி வீரர்கள், டாக்டர்கள், ஆசிரியர்கள், கர்ப்பிணிப் பெண் என பல தரப்பினரும் கலந்து கொண்டனர்.

நிகழ்ச்சியில் பங்கேற்று நிர்வாண போஸ் கொடுத்த ஒருவர் கூறுகையில், இந்த வரலாற்றுச் சிறப்பு வாய்ந்த நிகழ்ச்சியில் பங்கேற்றது மகிழ்ச்சியாக உள்ளது என்றார்.

இன்னொருவர் கூறுகையில்,நான் எஸ்டோனியாவிலிருந்து வ்நதுள்ளேன். ஏற்கனவே டுனிக்கின் புகைப்படங்களை பார்த்துள்ளேன். அதனால் தூண்டப்பட்டு இந்த நிகழ்ச்சியில் பங்கேற்றேன் என்றார்.