Diwali 2025: தீபாவளியன்று இதை செய்ய மறந்துடாதீங்க.. 12 ராசியினருக்கு அதிர்ஷ்டத்தை தரும் வழிபாடு

Updated: Wednesday, October 15, 2025, 19:03 [IST]

Subscribe to Oneindia Tamil

Diwali 2025: தீபாவளி பண்டிகை வரும் அக்டோபர் 20 ஆம் தேதி கொண்டாடப்படவுள்ளது. தீபாவளியன்று செய்ய வேண்டிய விஷயங்கள், வழிபட வேண்டிய தெய்வங்கள் குறித்து இந்த ஜோதிட கட்டுரையில் பார்க்கலாம்.

அனைத்து மக்களாலும் ஐப்பசி 3 ஆம் நாள் அக்டோபர் 20 ஆம் தேதி (திங்கள்கிழமை) கோலாகலமாகக் கொண்டாடப்படுகிறது. சதுர்தசி திதியன்று தீபாவளி கொண்டாடப்படவுள்ளது. தீபாவளி திருநாள் என்றாலே நகர சதுர்தசி என்ற நாளில் ஸ்நானம் செய்வது சிறப்பாகும். அதனை அதிகாலையில் செய்வது மிகவும் நல்லது. காலையில் எழுந்தவுடன் நல்லெண்ணெய்யை சூடு செய்து தலையில் வைத்துக் குளிப்பது கஷ்டத்தை தீர்க்கும் என்பது ஐதீகம். குறிப்பாக கங்கா ஜலத்தை ஒரு சொட்டாவது தண்ணீரில் விட்டு குளிப்பது நல்லது.

எண்ணெய் குளியல்

உடம்பு முழுவதும் எண்ணெய் தேய்த்து குளிப்பதென்றாலும் குளிக்கலாம். தீபாவளி தினத்தன்று பிரம்ம முகூர்த்தமான 3 முதல் 4 மணிக்குள் வீட்டில் தீபமேற்றுவது விசேஷ பலன்களைத் தரும். அந்த சமயத்தில் ஒரு வெடி அல்லது சரம் போன்ற பட்டாசுகளை வெடிப்பது நல்லது. அதேபோல, புத்தாடைகளை பிரம்ம முகூர்த்தத்திலேயே அணிவது நன்மை பயக்கும்.

முதல் பலகாரம்

முதல் பலகாரமாக கோயில் பிரசாதம் அல்லது வீட்டில் செய்த பலகாரத்தை சாப்பிடுவது நல்லது. கண்டிப்பாக ஒரு வெடியையாவது வைக்க வேண்டும். தெய்வத்தின் கோயில்களுக்குச் சென்று வழிபடலாம். அஸ்தம் நட்சத்திரம் கன்னி ராசியில் தீபாவளி கொண்டாடப்படவுள்ளது. மாலை 4.18 மணி வரை சதுர்தசி திசை. அதன் பிறகு அமாவாசை தொடங்கும்.

வழிபாடு

அஸ்தம் நட்சத்திரத்துக்கு ஏற்றவாறு ஒவ்வொரு நட்சத்திரக்காரர்களும் தெய்வ வழிபாடு செய்வது நல்லது. முதலில் விநாயகரை வழிபடுவது சிறந்தது. நவக்கிரகத்தில் இருக்கும் சந்திரனுக்கு அகல் தீபமேற்றுவது எல்லா ராசிக்காரர்களுக்கும் சிறப்பைத் தரும்.

மேஷம் முதல் மீனம் ராசிக்காரர்களுக்கான தீபாவளி சிறப்பு பலன்கள், வழிபட வேண்டிய தெய்வங்கள் குறித்து இந்த தொகுப்பில் பார்க்கலாம்.

மேஷம்

மேஷம் ராசிக்காரர்களுக்கு விநாயகர் வழிபாடு நன்மையை ஏற்படுத்தும்.

ரிஷபம்

ரிஷப ராசிக்காரர்கள் விநாயகருடன் அம்பாளை வழிபாடு செய்வது நல்ல பலனைத் தரும்.

மிதுனம்

மிதுன ராசிக்காரர்களுக்கு விநாயகர், சந்திரன், பெருமாளை வழிபாடு செய்வது அற்புதமான ஏற்றத்தை தரும்.

கடகம்

கடக ராசிக்காரர்களுக்கு விநாயகர், சந்திரன், சிவன் வழிபாடு செய்வது நன்மைகளைத் தரும். சிவனுக்கு நல்லெண்ணெயும், வில்வ இலையையும் கொடுத்து வழிபடுவது நல்லது

சிம்மம்

சிம்மம் ராசிக்காரர்களுக்கு விநாயகர், சந்திரன் வழிபாடு மிகப்பெரிய அனுகூலத்தை ஏற்படுத்தும்.

கன்னி

கன்னி ராசியினருக்கு விநாயகர், சந்திரன் வழிபாடுடன், மகாலட்சுமியை வெண் தாமாரை கொண்டு வழிபாடு செய்வது ஏற்றத்தை ஏற்படுத்தும்.

துலாம்

துலாம் ராசியினருக்கு விநாயகர், சந்திரன், முருகனை வழிபாடு செய்வது அற்புதத்தை ஏற்படுத்தும்.

விருச்சிகம்

விருச்சிகம் ராசிக்காரர்கள் விநாயகர், சந்திரன், துர்க்கை வழிபாடு செய்வது முன்னேற்றத்தை தரும். 7 எலுமிச்சம்பழத்தை சுவாமிக்கு கொடுத்து விட்டு ஒரு பழத்தை வீட்டுக்கு வாங்கி வந்து எலுமிச்சை சாறாக சர்க்கரை சேர்த்து பருகுவது நல்லது.