ஜாவா சுந்தரேஷனாக மாறும் மீனம் ராசியினர்.. ஆரோக்கியத்தில் மிக மிக கவனம்
வார ராசி பலன்: ஆடி மாதம் 17 ஆம் தேதி பிறக்கவுள்ளது. ஜூலை 14 முதல்14 ஆம் தேதி வரையிலான இந்த வாரத்திற்கான மீனம் ராசி பலன்கள் குறித்து பார்க்கலாம். இந்த வாரம் எப்படி இருக்கும், என்ன மாதிரியான பலன்கள் கிடைக்கப் போகின்றன, தெய்வ வழிபாடுகள் குறித்து இந்த ஜோதிட கட்டுரையில் தெரிந்து கொள்ளலாம்.
அம்மனுக்கு உகந்த மாதமான ஆடி மாதம் துவங்கப் போகிறது. நவக்கிரகங்களில் உள்ள ஒவ்வொரு கிரகங்களும் குறிப்பிட்ட கால இடைவெளியில் இடப்பெயர்ச்சியாவது வழக்கம். இந்த கிரகங்களின் நிலைமாற்றம் மற்றும் இடப்பெயர்ச்சியானது 12 ராசிகளிலும் தாக்கத்தை ஏற்படுத்தும். சில ராசிக்காரர்களுக்கு சுப பலன்களையும், சில ராசிக்காரர்களுக்கு அசுப பலன்களையும் உண்டாக்கும். அந்த வகையில், இந்த வாரத்தில் மீனம் ராசிக்காரர்களுக்கு கிடைக்கும் பலன்கள் குறித்து இந்த தொகுப்பில் பார்க்கலாம்.
மீனம்
மீனம் ராசிக்காரர்களுக்கு லாப ஸ்தானத்தில் சந்திரன் இருப்பதால் அற்புதமான காலகட்டமாக இருக்கும். பொருள் சேர்க்கை செய்வீர்கள். அடுத்தடுத்து நல்ல விஷயங்கள் கிடைக்கும், வேலையில் மாற்றம், இடமாற்றம் ஏற்படுவதற்கான வாய்ப்புள்ளது. இடமாற்றம், மன மாற்றம், தொழில் மாற்றம் செய்வதற்கான வாய்ப்புள்ளது. சனி, புதன் இணைந்துள்ளதால் அற்புதமான காலகட்டமாக இருக்கும்.
கவனம்
படிப்பு, கலைத் துறையில் வெற்றிகட்டு பறப்பீர்கள். 3 ஆம் இடத்தில் சுக்கிரன் இருப்பதால் மனதளவில் தொல்லைகள் ஏற்படும். சிறு தூரப் பிராயணங்களில் பாதிப்பு ஏற்படும். வண்டி வாகனங்களால் விபத்து வருவதற்கான வாய்ப்புள்ளது. சூரியன், புதன் இணைந்துள்ளதால் ஆரோக்கியத்தில் மட்டும் கவனமாக இருப்பது நல்லது.
ஆரோக்கியம்
முதுகு, அடிவயிறு, பாதம், கழிவுப் பாதை தொடர்பான விஷயங்களில் கவனமாக இருக்க வேண்டும். தினந்தோறும் உடற்பயிற்சி செய்வது நல்ல பலன்களைத் தரும். குடும்பத்தில் அந்நியர் தலையீடால் தேவையில்லாத பதற்றம் ஏற்படும். பிள்ளைகள் விஷயத்தில் கோபத்தை தவிர்ப்பது நல்லது. பிள்ளைகளின் படிப்பு, உத்தியோகம், தொழில், வியாபாரத்தில் அனுகூலம் காணப்படும்.
சுப காரியங்கள்
குரு 4 ஆம் வீட்டில் அமர்ந்திருப்பதால் வீட்டில் நல்ல காரியங்கள், சுப காரியங்களைச் செய்து மகிழ்வீர்கள். ஆஞ்சநேயர் வழிபாடு ஏற்றத்தைக் கொடுக்கும். புதன்கிழமை தோறும் தெய்வ வழிபாடு, அம்மன் வழிபாடு, குலதெய்வ வழிபாடு பெரிய நிம்மதியையும், சந்தோஷத்தையும் தரும். துணையுடன் வெள்ளிக்கிழமை தோறும் அம்மன் கோயிலுக்குச் சென்று வருவது அற்புதமான மாற்றத்தை ஏற்படுத்திக் கொடுக்கும்.
Click it and Unblock the Notifications
Sign in with Google