காதலர் தினத்தில் மகிழ்ச்சி கொண்டாட்டம் இருக்கு.. சந்தோஷமாக வீடியோ வெளியிட்ட திரிஷா! குவியும் வாழ்த்து

Updated: Thursday, February 12, 2026, 16:46 [IST]

Subscribe to Oneindia Tamil

சென்னை: 2002-ம் ஆண்டு வெளியான 'மௌனம் பேசியதே' படம், சூர்யா நடிப்பில் வந்த ஒரு மென்மையான காதல் கதை. அந்த காலகட்டத்தில் இளம் ரசிகர்களை அதிகமாக கவர்ந்த இந்த படம், இப்போது 24 வருடங்கள் கழித்து மீண்டும் திரையரங்குகளில் வெளியாக தயாராகியுள்ளது. காதலர் தினத்தை முன்னிட்டு நாளை இந்த படம் ரீ-ரிலீஸ் ஆகும் என்று அறிவிக்கப்பட்டதுமே, பழைய நினைவுகள் எல்லாம் ரசிகர்களுக்கு மீண்டும் தட்டிக்கேட்க ஆரம்பிச்சிருக்கு.

ரி ரிலீஸ் படம்

மௌனம் பேசியதே படம் ஒரு சாதாரண ரீ-ரிலீஸ் மட்டும் இல்ல. அந்த படத்தில் நடித்த நடிகர், நடிகைகள் எல்லாம் இப்போது தங்களுடைய நினைவுகளை வீடியோவாக பகிர்ந்து வருவது தான் ரசிகர்களை அதிகம் கவர்ந்து வருகிறது.

சூர்யா வீடியோ

முதலில் நடிகர் சூர்யா ஒரு வீடியோ வெளியிட்டார். அதில், 'மௌனம் பேசியதே' படத்தில் வரும் பிரபலமான வசனத்தை பேசிக் காட்டினார். "இந்த காதல் எங்கிருந்துடா உங்களுக்கு மட்டும் வருது" என்ற அந்த டயலாக், ஒரே நேரத்தில் பழைய ரசிகர்களை 2000-களுக்கு திரும்பக் கொண்டு போய்விட்டது. அந்த வீடியோ சமூக வலைதளங்களில் வைரலாகி, "அந்த காலத்து சூர்யா திரும்ப வந்த மாதிரி இருக்கு"ன்னு பலரும் கமெண்ட் போட்டாங்க.

லைலா வீடியோ

அதைத்தொடர்ந்து, அந்த படத்தின் முக்கியமான கதாநாயகிகளில் ஒருவரான லைலாவும் ஒரு வீடியோ வெளியிட்டார்."எந்த படம் ரீ-ரிலீஸ் ஆகுது என்று கேட்கும் போதே சந்தோஷமாக இருக்கு. அதிலும் 'மௌனம் பேசியதே' மாதிரி ஒரு படம் திரும்ப தியேட்டருக்கு வர்றது ரொம்ப ஸ்பெஷல்"ன்னு அவர் சொல்ல, அந்த வீடியோவும் ரசிகர்களிடையே நல்ல வரவேற்பைப் பெற்றது.

திரிஷா வீடியோ

இப்போது இந்த வரிசையில், இந்த படத்தின் மூலம் தமிழ் சினிமாவில் அறிமுகமான நடிகை திரிஷாவும் தன்னுடைய முதல் படத்தை நினைவுகூர்ந்து ஒரு வீடியோ வெளியிட்டிருக்கிறார். "என்னுடைய முதல் படம் மௌனம் பேசியதே. இந்த படம் ரீ-ரிலீஸ் ஆகுது என்று கேள்விப்பட்டதும் ரொம்ப சந்தோஷமாக இருந்தது. ஏன் என்றால், இங்கிருந்து தான் என் சினிமா பயணம் ஆரம்பிச்சது. இந்த படம் எனக்கு எப்போதுமே ஸ்பெஷல். காதலர் தினத்துக்கு தியேட்டர்ல போய் பாருங்க"ன்னு அவர் சொல்லியிருக்கிறார்.

மௌனம் பேசியதே படம்

'மௌனம் பேசியதே' படம் அமீர் இயக்கத்தில் உருவானது. சூர்யாவின் கேரியரில் இது ஒரு முக்கியமான படம். காதலை அதிகமாக டயலாக் இல்லாமலே, மௌனத்திலேயே சொல்லிய விதம் அந்த காலத்தில் பலரையும் கவர்ந்தது. இந்த படத்தில் த்ரிஷா, லைலா, நந்தா போன்ற நடிகர்களும் நடித்திருந்தார்கள். குறிப்பாக த்ரிஷாவுக்கு இது முதல் படம் என்பதால், இந்த ரீ-ரிலீஸ் அவருக்கு இன்னும் அதிகமான அர்த்தம் கொண்டதாக இருக்கிறது.

இந்த படத்தின் இன்னொரு பெரிய பலம் யுவன் ஷங்கர் ராஜாவின் இசைதான். இன்றைக்கும் ரீல்ஸ், ஸ்டேட்டஸ், காதல் நினைவுகள் எல்லாத்திலும் கேட்டுக்கொண்டே இருக்கிறது. 20 வருடங்கள் கடந்தும் இந்த பாடல்கள் இன்னும் மனசை தொடுவது தான் இந்த படத்தின் ஸ்பெஷல்.

சமீப காலமாக பழைய ஹிட் படங்களை டிஜிட்டல் முறையில் புதுப்பித்து மீண்டும் திரையிடும் ட்ரெண்ட் அதிகமாகி வருகிறது. ரஜினியின் 'பாட்ஷா', கமலின் 'நாயகன்', விஜய்யின் 'கில்லி', சூர்யாவின் 'வாரணம் ஆயிரம்' போன்ற படங்கள் ரீ-ரிலீஸ் ஆன போது கிடைத்த வரவேற்பு தான் தயாரிப்பாளர்களுக்கு இந்த நம்பிக்கையை கொடுத்தது. அந்த வரிசையில் இப்போது 'மௌனம் பேசியதே'வும் தியேட்டருக்கு வருவது, 2000-களின் காதல் படங்களை விரும்பிய ரசிகர்களுக்கு ஒரு சின்ன விருந்தே.

மொத்தத்தில், ஒரு பக்கம் சூர்யாவின் நாஸ்டால்ஜியா வீடியோ, மற்றொரு பக்கம் லைலாவின் சந்தோஷமான நினைவுகள், இன்னொரு பக்கம் திரிஷாவின் முதல் படத்தை நினைத்து சொன்ன எமோஷனல் வார்த்தைகள் - இந்த மூன்றும் சேர்ந்து 'மௌனம் பேசியதே' ரீ-ரிலீஸை ஒரு சாதாரண திரையரங்கு செய்தியிலிருந்து, ரசிகர்களின் மனசை தொடும் ஒரு நிகழ்வாக மாற்றி இருக்கிறது.

காதலர் தினத்தில் காதல் படத்தை பெரிய திரையில் பார்த்து பழைய நினைவுகளை மீண்டும் அனுபவிக்க நினைக்கிறவர்களுக்கு, இந்த ரீ-ரிலீஸ் ஒரு நல்ல வாய்ப்பாக தான் தெரிகிறது.