Gold Rate Today: முதல் நாளே இன்ப அதிர்ச்சி கொடுத்த தங்கம் விலை.. சென்னையில் தாறுமாறாக விலை குறைந்தது!

சென்னை: நமது நாட்டில் கடந்த சில நாட்களாகவே தங்கம் விலை ஏற்றம் இறக்கம் என இரண்டுமே மாறி மாறியே இருந்து வருகிறது. அதேநேரம் ஆபரணத் தங்கம் கிராம் ரூ.9000க்கு மேலே நீடிக்கும் நிலையில், இந்த வாரத்தின் முதல் வர்த்தக நாளான இன்று தங்கம் விலை குறையும் என்றே மக்கள் நினைத்தனர். அதற்கேற்ப இன்று சென்னையில் ஆபரண தங்கம் விலை ஒரு கிராம் ரூ.50 குறைந்து ரூ.9010க்கு விற்பனை செய்யப்படுகிறது.

இந்தியாவில் கடந்த சில காலமாகவே தங்கம் விலையில் ஏற்றம் இறக்கம் என இரண்டுமே மாறி மாறி இருந்து வருகிறது. மத்திய கிழக்கில் நிலவி வந்த மோதல் முடிவுக்கு வந்த நிலையில், தங்கம் விலை குறைய அதுவே பிரதான காரணமாக இருக்கிறது. இப்போது ரஷ்யா உக்ரைன் மோதலைத் தவிர வேறு மேஜர் மோதல்கள் எதுவும் இல்லை. இதனால் தங்க முதலீடு குறைகிறது.

டிரம்ப்

மறுபுறம் அமெரிக்க டாலர் மதிப்பு சரிய ஆரம்பித்துள்ளது. அதிபர் டிரம்பின் பிக் பியூட்டிபுல் பில் நிறைவேற்றப்பட்டுள்ள நிலையில், இதனால் டாலர் மதிப்பு சரிகிறது.. இதனால் தங்கம் விலை மெல்ல உயர ஆரம்பித்துள்ளது. வரும் காலங்களில் தங்கம் விலை மேலும் மேலும் உயரும் என்றே வல்லுநர்கள் குறிப்பிடுகிறார்கள்.

கடந்த மாதம் இறுதியில் ஆபரணத் தங்கம் ஒரு சவரன் ரூ.71,320ஆக இருந்தது. அதன் பிறகு அது மெல்ல உயர்ந்தே வருகிறது. கடந்த ஒரு வாரத்தில் மட்டும் தங்கம் விலை ரூ.1000க்கு மேல் உயர்ந்துள்ளது. கடந்த ஜூலை 1ம் தேதி ஆபரணத் தங்கம் ஒரு சவரன் ரூ.72,160ஆக இருந்தது. ஜூலை 2ம் தேதி அது 72,520ஆகவும் ஜூலை 3ம் தேதி அதிகபட்சமாக 72,840 வரை போனது.

திடீரென குறைந்தது

பிறகு அது மெல்ல ரூ.72,480க்கு சனிக்கிழமை செட்டிலானது. கடந்த இரு நாட்களில் மட்டும் ஆபரணத் தங்கம் ஒரு சவரன் ரூ.440 குறைந்துள்ளது. நேற்று ஞாயிற்றுக்கிழமை என்பதால் தங்கம் விலையில் எந்தவொரு மாற்றமும் இல்லாமல் இருந்தது. இதற்கிடையே வாரத்தின் முதல் வர்த்தக நாளான இன்று தங்கம் விலை குறைய வேண்டும் என்றே மக்கள் கருதினர்.

இன்று சென்னையில் ஆபரணத் தங்கம் விலை குறைந்தது. சென்னையில் ஆபரணத் தங்கம் விலை சவரனுக்கு ரூ.400 குறைந்து ரூ.72,080க்கு விற்பனை செய்யப்படுகிறது. ஆபரணத் தங்கம் விலை ஒரு கிராம் ரூ.50 குறைந்து ரூ.9010க்கு விற்பனை செய்யப்படுகிறது. வெள்ளி விலை கிராமுக்கு மாற்றம் இல்லாமல் ரூ.120க்கு விற்பனை செய்யப்படுகிறது.

கடந்த ஜூலை 1 ஆம் தேதி முதல் தங்கத்தின் விலையை பார்க்கலாம்:

07.07.2025 - ஒரு சவரன் ரூ.72,080

06.07.2025 - ஒரு சவரன் ரூ.72,480
05.07.2025 - ஒரு சவரன் ரூ.72,480
04.07.2025 - ஒரு சவரன் ரூ.72,400
03.07.2025 - ஒரு சவரன் ரூ.72,840
02.07.2025 - ஒரு சவரன் ரூ.72,520
01.07.2025 - ஒரு சவரன் ரூ.72,160
30.06.2025 - ஒரு சவரன் ரூ.71,320
29.06.2025 - ஒரு சவரன் ரூ.71,440

English summary

Gold Rate Today (தங்கம் விலை இன்று) [7 July 2025]: [சர்வதேச நிகழ்வுகளில் குறையும் தங்கம் விலை]