தாய்மை பொங்க பிகினி உடையில் வந்த மிஸ் குரகாவோ.. அழகிப் போட்டியிலிருந்து நீக்கம்!
மின்ஸ்க், பெலாரஸ்: பெலாரஸில் நடந்த மிஸ் சூப்பர் நேஷனல் அழகிப் போட்டியில் கலந்து கொண்ட குரகாவோ தீவைச் சேர்ந்த அழகி வெசின்டே டெமிலினோஸ், கர்ப்பமாக இருந்தது கண்டுபிடிக்கப்பட்டதால் அவர் அழகிப் போட்டியிலிருந்து விலக நேரிட்டது.
இந்தஅழகிப் போட்டியில் மணிலாவைச் சேர்ந்த மிஸ் முத்யா ததுல் பட்டம் வென்றார்.
இந்தப் பட்டத்தை வென்ற முதல் பிலிப்பைன்ஸ் அழகி இவர்தான் என்பது குறிப்பிடத்தக்கது. பெலாரஸ் நாட்டின் மின்ஸ்க் நகரி்ல இந்த அழகிப் போட்டி நடைபெற்றது.
வயிறு உப்பிய நிலையில்.. பிகினி உடையில்
இந்த அழகிப் போட்டியில் கலந்து கொண்ட மிஸ் குரகாவோ, பிகினி உடைப் போட்டியின்போதுதான் கர்ப்பமாக இருந்தது வெளிச்சத்திற்கு வந்தது. காரணம், அவரது வயிறு உப்பிக் காணப்பட்டது. தாய்மையை மறைக்க முடியாதே...
டெஸ்ட் பாசிட்டிவ்
இதையடுத்து நடுவர்கள் அவருக்கு கர்ப்பமாக இருக்கிறாரா என்பதற்கான சோதனைக்கு உத்தரவிட்டனர். சோதனையில் அவர் கர்ப்பமாக இருந்தது கண்டுபிடிக்கப்பட்டது.
ஆனா மிஸ் குரகாவோவுக்கு ஷாக் இல்லை
இருப்பினும் தான் கர்ப்பமாக இருப்பது ஏற்கனவே மிஸ் குரகாவோவுக்கு தெரிந்திருந்தது. இதனால் அவர் அதிர்ச்சி அடையவில்லை. ஆனால் போட்டியில் தொடர முடியாத நிலை ஏற்பட்டு விட்டதே என்பதுதான் அவருக்கு வருத்தமாக போய் விட்டதாம்.
இருந்து ஊக்குவிக்க அனுமதி
போட்டியிலிருந்து அவர் நீக்கப்பட்டார். இருப்பினும் அவர் போட்டி முழுவதும் கூடவே இருந்து சக போட்டியாளர்களை ஊக்குவிக்க அனுமதி தந்தனர் போட்டி அமைப்பாளர்கள். அவரும் உற்சாகத்துடன் சக போட்டியாளர்களை ஊக்குவித்தார், டிப்ஸ் கொடுத்தார்.
மணிலாவின் முத்யாவுக்கு பட்டம்
இந்தப் போட்டியில் பிலிப்பைன்ஸைச் சேர்ந்த அழகி முத்யா ததுல் பட்டம் வென்றார். இப்பட்டம் வென்ற முதல் பிலிப்பைன்ஸ் அழகி இவர்தான்.
சரி, குரகாவோ எங்கிருக்கிறது தெரியுமா...?
கரீபியக் கடலில், நெதர்லாந்துக்கு அருகில் உள்ள குட்டித் தீவுதான் குரகாவோ. இங்கு மொத்தமே ஒன்றரை லட்சம் பேர்தான் வசிக்கிறார்கள். நெதர்லாந்து நாட்டுக்குக் கட்டப்பட்டது இந்தத் தீவு.
Click it and Unblock the Notifications
Sign in with Google