சென்னை - பெங்களூர் - ஹைதராபாத்தில் காலியிடங்கள்.. அமேசான் ஐடி நிறுவனத்தில் வேலை ரெடி

Updated: Wednesday, October 15, 2025, 19:11 [IST]

Subscribe to Oneindia Tamil

சென்னை: அமேசானின் ஐடி நிறுவனத்தில் இருந்து புதிய வேலைவாய்ப்பு குறித்த அறிவிப்பு வெளியாகி உள்ளது. இந்த பணிக்கு டிகிரி முடித்தவர்கள் விண்ணப்பம் செய்யலாம். பணிக்கு தேர்வாகும் நபர்கள் சென்னை, பெங்களூர், ஹைதராபாத், மகாராஷ்டிரா, டெல்லி உள்ளிட்ட இடங்களில் நியமனம் செய்யப்பட உள்ளனர்.

அமெரிக்காவை தலைமையிடமாக கொண்டு அமேசான் நிறுவனம் செயல்பட்டு வருகிறது. இந்த நிறுவனம் சார்பில் ஆன்லைன் வர்த்தகம், கிளவுட் கம்ப்யூட்டிங், ஆன்லைன் விளம்பரம், டிஜிட்டல் ஸ்ட்ரீம்மிங், ஏஐ உள்ளிட்ட பல்வேறு துறை சர்வீஸ்கள் வழங்கப்பட்டு வருகிறது.

தமிழகம் மட்டுமின்றி நம் நாட்டின் பல்வேறு முக்கிய நகரங்களில் அமேசான் நிறுவனம் செயல்பட்டு வருகிறது. இந்நிலையில் தான் தற்போது அமேசான் நிறுவனத்தில் இருந்து புதிய வேலைவாய்ப்பு குறித்த அறிவிப்பு வெளியாகி உள்ளது. அதன் விபரம் வருமாறு:

தற்போதைய அறிவிப்பின்படி அமேசான் நிறுவனத்தில் சாப்ட்வேர் டெவ் இன்ஜினியர் I (Software Dev Engineer I) பணிக்கு ஆட்கள் தேர்வு செய்யப்பட உள்ளனர். இந்த பணிக்கு ஏதாவது ஒரு பிரிவில் டிகிரி முடித்தவர்கள் விண்ணப்பம் செய்யலாம். கம்ப்யூட்டர் சயின்ஸ், கம்ப்யூட்டர் இன்ஜினியரிங் அல்லது அதற்கு தொடர்புடைய துறையில் படிப்பை முடித்திருக்க வேண்டும்.

அதேபோல், கம்ப்யூட்டர் சயின்ஸ் ஃபண்டமென்டல்ஸ் தெரிந்திருக்க வேண்டும். அதாவது ஆப்ஜெக்ட் ஓரியன்டட் டிசைன், அல்காரிதம் டிசைன், டேட்டா ஸ்ட்ரெக்ச்சர்ஸ், பிரச்சனைகளை தீர்க்கும் இருக்க இருப்பதோடு, காம்ளக்ஸிட்டி அனலிசிஸ் தெரிந்திருக்க வேண்டும். அதேபோல் புரோகிராமிங் லேங்குவேஜ்களான சி/சி++, பைத்தான், ஜாவா அல்லது Perl தெரிந்திருக்க வேண்டும். ஆங்கிலத்தில் பேசவும், எழுதவும் தெரிந்திருக்க வேண்டும். இது அடிப்படை தகுதியாக உள்ளன.

தற்போதைய அறிவிப்பின்படி பணிக்கான மாதசம்பளம் பற்றி எதுவும் தெரிவிக்கப்படவில்லை. தகுதி மற்றும் திறமையை பொறுத்து சம்பளம் என்பது நிர்ணயம் செய்யப்படும். பணிக்கு தேர்வாகும் நபர்கள் மொத்தம் 5 இடங்களில் நியமனம் செய்யப்பட உள்ளனர். அதன்படி ஹைதராபாத், சென்னை, பெங்களூர், டெல்லி, மகாராஷ்டிரா உள்ளிட்ட இடங்களில் நியமனம் செய்யப்பட உள்ளனர்.

தகுதி மற்றும் விருப்பம் உள்ளவர்கள் அமேசான் நிறுவனத்தின் இணையதளம் சென்று விண்ணப்பம் செய்யலாம். விண்ணப்பம் செய்வதற்கான கடைசி தேதி குறிப்பிடப்படவில்லை. இதனால் முன்கூட்டியே விண்ணப்பம் செய்வது நல்லது. ஏனென்றால் எப்போது வேண்டுமானாலும் இந்த பணிக்கான விண்ணப்ப பதிவு முடிவுக்கு வரலாம் என்பது குறிப்பிடத்தக்கது.

பணிக்கான அதிகாரப்பூர்வ அறிவிப்பு மற்றும் விண்ணப்பம் செய்ய Click Here