3 பிரிவுகளில் காலியிடங்கள்.. நாளை முதல் 2 நாள் இண்டர்வியூ.. சென்னை HCL-லில் ஐடி வேலை

சென்னை: முன்னணி ஐடி நிறுவனமான எச்சிஎல் சார்பில் புதிய வேலைவாய்ப்பு குறித்த அறிவிப்பு வெளியாகி உள்ளது. 3 பிரிவுகளில் காலிப்பணியிடங்கள் நிரப்பப்பட உள்ளது. இந்த பணிக்கான இண்டர்வியூ சென்னையில் நாளை (அக்டோபர் 27) மற்றும் நாளை மறுநாள் (அக்டோபர் 28) ஆகிய 2 நாட்கள் நடைபெற உள்ளது. பணிக்கு தேர்வாகும் நபர்கள் சென்னையில் நியமனம் செய்யப்பட உள்ளனர். இதனால் தகுதி மற்றும் விருப்பம் உள்ளவர்கள் இண்டர்வியூவில் பங்கேற்கலாம்.

எச்சிஎல் சார்பில் அடுத்தடுத்து வேலைவாய்ப்புகள் குறித்த அறிவிப்புகள் வெளியாகி வருகின்றன. அந்த வகையில் இப்போது புதிய அறிவிப்பு வெளியிடப்பட்டுள்ளது. காலியாக உள்ள 3 பிரிவுகள் தொடர்பாக இங்கு பார்க்கலாம்.

இதில் முதலில் பார்ப்பது ஓடிசி கலெக்சன் (OTC Collections) பணிக்கு ஆட்கள் தேர்வு செய்யப்பட உள்ளனர். இந்த பணியை விரும்புவோர் குறிப்பிட்ட பிரிவில் ஏதாவது ஒரு டிகிரி படிப்பை முடித்திருக்க வேண்டும். அதேபோல் ஓடிசி கலெக்சன் பிரிவில் குறைந்தபட்சம் 2 ஆண்டு முதல் அதிகபட்சம் 7 ஆண்டு வரை பணி அனுபவம் கொண்டிருக்க வேண்டும்.

2வது பணி என்னவென்றால் ஓடிசி டிஸ்புஸ்ட் மேனேஜ்மென்ட் (OTC Dispute management). இந்த பணிக்கு குறைந்தபட்சம் 4 ஆண்டுகள் முதல் அதிகபட்சமாக 8 ஆண்டுகள் வரை பணி அனுபவம் கொண்டிருக்க வேண்டும். 3வது பணி என்னவென்றால் ஓடிசி அக்கவுண்ட் ஆக்டிவேஷன் அண்ட் செட்அப் (OTC Account Activation and Setup) பணியாகும். இந்த பணிக்கும் 3 ஆண்டு முதல் 7 ஆண்டு வரை பணி அனுபவம் கொண்டிருக்க வேண்டும்.

பணி என்பது US shift முறையில் இருக்கும். இதனால் இரவு பணிக்கு தயாராக இருக்க வேண்டும். இந்த பணிக்கான பிற தகுதிகள் கீழே உள்ள அதிகாரப்பூர்வ அறிவிப்பில் விரிவாக தெரிவிக்கப்பட்டுள்ளது. தற்போதைய அறிவிப்பின் பணிக்கான சம்பளம் பற்றி எதுவும் தெரிவிக்கப்படவில்லை. இதுபற்றி கடைசி கட்ட இண்டர்வியூவில் தெரிவிக்கப்படும். பணி அனுபவம் மற்றும் திறமையை பொறுத்து சம்பளம் நிர்ணயம் செய்யப்படும்.

இந்த பணிக்கான இண்டர்வியூ நாளை (அக்டோபர் 27) மற்றும் நாளை மறுநாள் (அக்டோபர் 28) ஆகிய நாட்களில் காலை 10 மணி முதல் பிற்பகல் 3 மணி வரை நடைபெற உள்ளது. இண்டர்வியூவில் பங்கேற்க விரும்பவோர் HCL Technologies Ltd, Tower 4, No.602/3/138, Special Economic Zone, Elcot -SeZ, Medavakkam High Road, Sholinganallur, Chennai - 600 119 என்ற முகவரிக்கு செல்ல வேண்டும்.

இண்டர்வியூ செல்வோர் Resume, ஆதார், பான் கார்டு, டிரைவிங் லைசென்ஸ் உள்ளிட்டவற்றில் ஏதேனும் ஒன்றை உடன் எடுத்து செல்ல வேண்டும். பணிக்கு தேர்வாகும் நபர்கள் சென்னை நாவலூரில் உள்ள அலுவலகத்தில் நியமனம் செய்யப்பட உள்ளனர். தகுதி மற்றும் விருப்பம் உள்ளவர்கள் விண்ணப்பம் செய்து நாளை, நாளை மறுநாள் நடக்கும் இண்டர்வியூவில் பங்கேற்கலாம்.

பணிக்கான அதிகாரப்பூர்வ அறிவிப்பு மற்றும் விண்ணப்பம் செய்ய Click Here

English summary

HCL IT Jobs 2025 (எச்சிஎல் ஐடி வேலைவாய்ப்பு 2025): HCL hiring for OTC collections and interview to be held on October 27 and October 28 in Chennai. Minimum 2 -7 years experience candidates can attend this interview. Selected candidates will be appointed in Chennai.