காதலும் கடந்து போகுமா.. இங்க அவனவனுக்கு கல்யாணமே கடந்து போய்ட்டு இருக்கு!

சென்னை: 90ஸ் கிட்ஸ்கள் பலருக்கு இன்னமும் திருமணம் ஆகாமல் இருப்பது மீமர்களுக்கு எப்போதுமே மீம்ஸ்க்கான கண்டெண்ட் தான். அதனால்தான் வேறு எந்த கண்டெண்ட்டும் கிடைக்கவில்லை என்றால், உடனே 90ஸ் கிட்ஸ்களின் திருமணத்தைக் கையில் எடுத்து விடுகின்றனர்.

ஸ்டீல் ஸ்கேல் வைத்திருந்தால், மஞ்சப்பையோ, அரிசிப்பையோ இல்லாமல் புத்தகப்பை வைத்திருந்தால், பிளாஸ்டிக் வாட்டர் பாட்டில் வைத்திருந்தால் என, 'சமூகம் பெரிய ஆளு போல' என 90ஸ் கிட்ஸ்கள் பள்ளிக் காலங்களிலேயே வியந்து பார்த்த விசயங்கள் எல்லாம் இப்போது சர்வசாதாரணமாகி விட்டது. ஆனால் 90ஸ் கிட்ஸ்கள் மட்டும் இன்னமும் அதே குழந்தை மனதுடன் எல்லாவற்றையும் வியந்து பார்ப்பதாக மீம்ஸ் போட்டு கலாய்த்து வருகின்றனர் நெட்டிசன்கள்.

போதாக்குறைக்கு இன்னமும் 90ஸ் கிட்ஸ்களில் பலர், திருமணமாகாமல், 2கே கிட்ஸ்களின் திருமணங்களில் விருந்தினர்களாக பங்கேற்று வருவதாக சமூகவலைதளங்களில் பகிரும் பதிவுகள், 'கண்ணா இன்னோரு லட்டு தின்ன ஆசையா?' என்ற ரேஞ்சுக்கு மீமர்களுக்கு கண்டெண்ட் ஆகி விடுகிறது.

இப்போதும் அப்படித்தான் 90ஸ் கிட்ஸ்களின் பிளாஷ்பேக்குகளை வைத்து நகைச்சுவையான மீம்ஸ்களைப் பகிர்ந்து சமூகவலைதளப் பக்கங்களைக் கலகலக்க வைத்து வருகின்றனர். இதோ அப்படியாக நம் கண்ணில் பட்ட நகைச்சுவையான சில மீம்ஸ்களின் தொகுப்பு உங்களுக்காக...

English summary

These are some funny memes collection on 90s kids and marriage.