டேய் மழை.. இப்டி இடையில் சிந்து பாடி என்னை அவமானப்படுத்திட்டியே.. இனி என்னை யாரு மதிப்பாங்க!

சென்னை: அக்னி நட்சத்திரம் ஆரம்பமாகி விட்டது இனி வெயில் வேற லெவலில் இருக்கப் போகிறது என மீம்ஸ் போட்டு புலம்பி வருகின்றனர் சமூகவலைதளங்களில்.

வெயிலின் கொடுமை நாளுக்கு நாள் அதிகரித்து வந்த நிலையில், தமிழகத்தின் பல இடங்களில் மழை பெய்து, மண்ணையும், மக்கள் மனதையும் குளிர வைத்துள்ளது. கடந்த ஆண்டைப் போலவே இந்தாண்டும் கத்தரி வெயிலில் மழை பெய்தால் தேவலை என்ற மக்களின் எதிர்பார்ப்பை பூர்த்தி செய்து வருகிறது இந்த மழை.

இது ஒருபுறம் இருக்க, இத்தனை நாள் எந்தப் பட்டமும் இல்லாமலேயே நம்மை வாட்டி, வதக்கி எடுத்து வந்த வெயில், இன்று முதல் கத்தரி என்ற தன் இன்னொரு முகத்தைக் காட்ட ஆரம்பிக்கப் போகிறது.

முன்பெல்லாம் கத்தரி வெயில் வந்தால்தான், வெயிலின் கொடுமை அதிகமாக இருக்கும். இப்போது சாதாரண நாட்களிலேயே சர்வசாதாரணமாக வெயில் சதமடிக்க ஆரம்பித்து விட்டது. இதனால் கத்தரியில் இன்னும் கொடுமையாக இருக்குமோ என்ற பயம் உள்ளூர உதறலைத்தான் ஏற்படுத்துகிறது.

இப்படியாக கத்தரி வெயில் பற்றிய தங்களின் புலம்பல்களை மீம்ஸ்களாக சமூகவலைதளங்களில் பகிர்ந்து வருகின்றனர் நம் நெட்டிசன்கள். இதோ, நம் கண்ணில் பட்ட சில நகைச்சுவையான மீம்ஸ்களின் தொகுப்பு உங்களுக்காக...

English summary

These are some jolly memes collection on agni natchathiram.