சீசனும் 18.. நம்ம அண்ணாத்தயோட ஜெர்ஸி நம்பரும் 18.. இந்த வருசம் கப்பு ஆர்சிபிக்குதான்!
சென்னை : கிரிக்கெட் ரசிகர்கள் அதிகம் எதிர்பார்த்த சிஎஸ்கே மற்றும் ஆர்சிபி அணிகளுக்கு இடையேயான போட்டி நடைபெற்று வரும் நிலையில், சமூகவலைதளங்களிலும் இந்த அணிகளை வைத்து அனல் பறக்கும் மீம்ஸ்களைப் பகிர்ந்து வருகின்றனர் நெட்டிசன்கள்.
ஐபிஎல் 2025 சீசினின் 8ஆவது போட்டியாக இன்று சென்னை சேப்பாக்கம் மைதானத்தில், சென்னை சூப்பர் கிங்ஸ்- ராயல் சேலஞ்சர்ஸ் பெங்களூரு அணிகளுக்கு இடையேயான பலப்பரீட்சை நடந்து வருகிறது. இந்த இரண்டு அணிகளுக்குமே சமூகவலைதளப் பக்கங்களில் ரசிகர்கள் அதிகம் என்பதால், சேப்பாக்கம் மைதானத்தைப் போலவே சமூகவலைதளப் பக்கங்களிலும் மீம்ஸ்களில் ரன்களைக் குவித்தும், விக்கெட்டுகளை வீழ்த்தியும் ரசிகர்கள் அதகளம் செய்து வருகின்றனர்.
"சீசனும் 18.. நம்ம அண்ணாத்தயோட ஜெர்ஸி நம்பரும் 18.. இந்த வருசம் கப்பு ஆர்சிபிக்குதான்!" என்றும், "ப்ளீஸ் இந்தத் தடவையாச்சும் கப் அடிச்சு.. அந்தப் புள்ளைக்கு கல்யாணம் பண்ணி வைங்கடா ஆர்சிபியன்ஸ்!" என்றும் ஆர்சிபியைக் கலாய்த்து ஒரு குரூப்பும், பதிலுக்கு சிஎஸ்கேவைக் கலாய்த்து மற்றொரு குரூப்பும் மீம்ஸ்களைப் பகிர்ந்து வருகின்றனர்.
இதோ அப்படியாக நம் கண்ணில் பட்ட சில நகைச்சுவையான மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google