“என் தங்கமான மனசை விட்டு”.. டேய் லவ்வர்ஸ் டேலாம் முடிஞ்சு ஒரு வாரம் ஆச்சுடா!
சென்னை : காதலர் தினம் முடிந்து பிரேக் அப் தினம் கூட கொண்டாடி முடித்து விட்டார்கள். ஆனால் இன்னமும் காதல் மீம்ஸ்களைப் பகிர்வதை நிறுத்தவில்லை நம் நெட்டிசன்கள்.
பிப்ரவரி மாதம் என்றாலே காதலர்களுக்கு கொண்டாட்டமாகத்தான் இருக்கும். காரணம் ரோஸ் டே, டெடி டே, சாக்லேட் டே, கிஸ் டே என வரிசையாகக் கொண்டாடி, கடைசியில் காதலர் தினத்தையும் கோலாகலமாகக் கொண்டாடுவார்கள். ஆனால் சமீபகாலமாக காதலர் தினம் முடிந்தபிறகும், சில ஸ்பெஷல் தினங்களைக் கொண்டாடி, பிரேக் அப் டே வரை கொண்டு வந்து விடுகின்றனர் சில வன்மம் பிடித்தவர்கள்.
இந்த வருடமும் அதே மாதிரி, காதலர் தினத்தில் ஆரம்பித்து, பிரேக் அப் டே கூட முடிந்து விட்டது. ஆனால் இன்னமும், 'காதல் வந்தால் சொல்லி அனுப்பு..' என மீம்ஸ் விடு காதல் தூது அனுப்பி வருகின்றனர் நம் நெட்டிசன்கள். ஆனால் இந்த முறை வெறும் காதல், காதலியோடு நிறுத்திக் கொள்ளாமல், காதல் தோல்வி, திருமணம், மனைவி என கலந்து கட்டி கலாய்த்துள்ளனர்.
"காதல்ங்கறது கரண்ட் போன நேரத்துல வர்ற கொசு மாதிரி.. தூங்கவும் முடியாது.. துரத்தவும் முடியாது!" என்றும், ""என் தங்கமான மனசை விட்டு".. டேய் லவ்வர்ஸ் டேலாம் முடிஞ்சு ஒரு வாரம் ஆச்சுடா!" என்றும் விதவிதமாக மீம்ஸ்களைப் பகிர்ந்து இணையத்தைக் கலகலக்க வைத்து வருகின்றனர்.
இதோ அப்படியாக நம் கண்ணில் பட்ட சில நகைச்சுவையான மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google