சும்மாவே இவனுங்க பொண்ணு தர மாட்டானுங்க.. இப்ப பவுன் விலை வேற 73,000க்கு வந்துட்டு!

சென்னை : திருமண மண்டபங்கள் பிஸியான முகூர்த்தங்களால் ஒருபுறம் நிரம்பி வழிய, மற்றொருபுறம் ஏற்கனவே திருமணம் ஆனவர்களும், இன்னமும் திருமணம் ஆகாமல் அவதிப் படுபவர்களும் தங்களது சோகத்தை எல்லாம் மீம்ஸ்களாகப் பகிர்ந்து இணையத்தைக் கலகலக்க வைத்து வருகின்றனர்.

வைகாசி மாதத்தின் கடைசி முகூர்த்த தினங்கள் என்பதால் இந்த வாரம் முழுவதுமே திருமண மண்டபங்கள் நிரம்பி வழிந்து வருகின்றன. திருமணம், நிச்சயதார்த்தம், காதுகுத்து, வளைகாப்பு என விதவிதமான கொண்டாட்டங்களால் மண்டபங்கள் காலையும், மாலையும் திருவிழா கோலம் பூண்டுள்ளன. மாறி மாறி மொய் எழுதி மக்களும் டயர்டாகி விட்டனர். அதனால் அவர்களை மகிழ்ச்சியாக்கும் பொருட்டு விதவிதமான மீம்ஸ்களைப் பகிர்ந்து வருகின்றனர் நம் குறும்புக்கார நெட்டிசன்கள்.

அதிலும் குறிப்பாக திருமணமானவர்கள் தங்களது மண வாழ்க்கையைப் பற்றி, "காதலிக்கிறவன் அதிர்ஷ்டசாலி.. காதலிக்காதவன் புத்திசாலினு சொன்னீங்களே.. கல்யாணமானவன் கடனாளினு ஏன்டா சொல்லல!" எனப் புலம்புவதாகவும், இன்னும் திருமணத்துக்கு பெண் கிடைக்கவில்லையே என ஏக்கத்தில் இருப்பவர்கள், "சும்மாவே இவனுங்க பொண்ணு தர மாட்டானுங்க.. இப்ப பவுன் விலை வேற 73,000க்கு வந்துட்டு!" என வேறு விதமாகப் புலம்புவதாகவும் மீம்ஸ்களைப் பகிர்ந்து வருவது ரசிக்கும்படி உள்ளது.

இதோ அப்படியாக சமூகவலைதளப் பக்கங்களில் நம் கண்ணில் பட்ட சில நகைச்சுவையான மீம்ஸ்களின் தொகுப்பு உங்களுக்காக...

English summary

These are some jolly memes collection on husband and wife.