மேடம் இதெல்லாம் வெறும் நடிப்பு மேடம்.. டிசம்பர் வந்தா திரும்ப திட்டு திட்டுனு திட்டுவாங்க மேடம்!
சென்னை: புத்தாண்டு பிறந்து விட்ட போதும், இன்னமும் 2023ம் ஆண்டை நெட்டிசன்கள் மறக்கவில்லை போலும். அதனால்தான் புத்தாண்டு பற்றிய கலவையான மீம்ஸ்களோடு, 2023ம் ஆண்டையும் சேர்த்து மீம்ஸ்களில் கலாய்த்து வருகின்றனர்.
கடந்த ஆண்டு நடந்த பல நல்ல நிகழ்வுகளையெல்லாம் ஒரே மாதத்தில் மறந்து விடும்படி செய்து விட்டது இந்த டிசம்பர் மாதம். வழக்கமாக டிசம்பர் என்றால் சென்னைக்காரர்கள்தான் பயப்படுவார்கள். ஆனால், இந்த முறை வட மாவட்டங்களை மட்டுமல்லாமல், தென் மாவட்டங்களையும் புரட்டிப் போட்டு விட்டது கனமழை.
இன்னும் மக்கள் அந்த மழை பாதிப்பில் இருந்து மீளவில்லை என்பது சமூகவலைதளங்களில் பகிரும் மீம்ஸ்களைப் பார்க்கும்போதே தெரிகிறது. புத்தாண்டை வரவேற்பது ஒருபுறம் இருந்தாலும், சைடுகேப்பில், 'நீயும் அந்த மாதிரி இருந்துடாத ராசா' என்பதையே வலியுறுத்தி வருகின்றனர்.
அதில், மக்களின் இந்த பயத்திற்கு 2024ம் ஆண்டு பதிலளிப்பது போல் உள்ள, 'இந்த நியூ இயர் வாழ்த்து சொல்றதெல்லாம் நடிப்பு மேடம்.. திரும்ப டிசம்பர் வந்ததும் திட்டு திட்டுனு திட்டுவாங்க மேடம்' என்ற மீம்ஸ் எல்லாம் வேற லெவல் காமெடி.
இதோ அப்படியாக சமூகவலைதளப் பக்கங்களில் நம் கண்ணில் பட்ட நகைச்சுவையான சில நியூ இயர் மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google