ஜிம்னாஸ்டிக்ஸ்: ஒலிம்பிக்கில் 11-வது பதக்கம் வென்று ரஷ்ய வீரர் சாதனை

சிட்னி:

ஜிம்னாஸ்டிக்ஸ் போட்டியில் ஆண்களுக்கான பிரிவில் மொத்தம் 11 பதக்கம் வென்றுரஷ்ய வீரர் அலெக்ஸி நெமோவ் சாதனை படைத்துள்ளார்.

சிட்னியில் திங்கள்கிழமை நடைபெற்ற ஜிம்னாஸ்டிக்ஸ் போட்டியில் ஆண்களுக்கானஹாரிசான்டல் பார் பிரிவில் அவர் 9.787 புள்ளிகள் எடுத்து தங்கப் பதக்கம் வென்றார்.

இதையடுத்து சிட்னி ஒலிம்பிக்கில் அவர் வென்ற பதக்கங்களின் எண்ணிக்கை 6 ஆகஉயர்ந்தது. இதில் 2 தங்கப் பதக்கங்கள் அடங்கும்.

ஏற்கெனவே 1996-ம் ஆண்டு அட்லாண்டாவில் நடந்த ஒலிம்பிக்கில் அவர் 5பதக்கங்களை வென்றுள்ளார். கடந்த இரு ஒலிம்பிக்கிலும் சேர்த்து அவர் வென்றபதக்கங்களின் எண்ணிக்கை 11-ஆக உயர்ந்துள்ளது.

திங்கள்கிழமை நடந்த ஹாரிசான்டல் பார் பிரிவில் பிரான்ஸின் பெஞ்சமின்வெரோனியன் வெள்ளிப் பதக்கமும், கொரியாவின் ஜூ ஹுங் லி வெண்கலப்பதக்கமும் வென்றனர்.