சிட்னி ஒலிம்பிக்: இன்டர்நெட் தளத்தை 970 கோடி பேர் பார்த்து சாதனை

சிட்னி:

சிட்னியில் நடைபெற்று வரும் 27-வது ஒலிம்பிக் போட்டி தொடர்பான அதிகாரப்பூர்வ இன்டர்நெட்தளத்தை வெள்ளிக்கிழமை வரை 970 கோடி பேர் பார்த்து சாதனை படைத்துள்ளனர்.

இந்த மில்லேனியத்தின் முதல் ஒலிம்பிக் போட்டியான சிட்னி ஒலிம்பிக் பற்றிய செய்திகள்www.olympics.com/ என்ற இன்டர்நெட் தளத்தில் வெளியிடப்பட்டு வருகின்றன.

சிட்னி ஒலிம்பிக் போட்டிகள் தொலைக்காட்சிகளில் நேரடியாக ஒளிபரப்பப்பட்டன என்றாலும்,ஒலிம்பிக் பற்றிய அதிகாரப்பூர்வ தகவல்களை உடனுக்குடன் இன்டர்நெட் தளத்தில் வெளியிடப்பட்டன.இது மக்களை அதிகம் கவர்ந்தது.

இந்த இன்டர்நெட் தளம் ஒலிம்பிக் போட்டிகள் தொடங்குவதற்கு முன்பே துவக்கப்பட்டுவிட்டது.

கடந்த வெள்ளிக்கிழமை வரை சுமார் 970 கோடி பேர் இந்த தளத்துக்கு வந்து சிட்னி ஒலிம்பிக்பற்றிய செய்திகளைத் தெரிந்து கொண்டுள்ளனர். இது நிர்ணயிக்கப்பட்ட இலக்கைவிட மிகமிக அதிகமாகும்.

ஒரே நாளில் அதிகபட்சமாக, செப்டம்பர் 26-ம் தேதி மட்டும் 87.5 கோடி பேர் இத் தளத்துக்குவந்துள்ளனர் என்பது குறிப்பிடத்தக்கது.

இந்த ஒருநாள் எண்ணிக்கை மட்டும் கடைசியாக நடந்த குளிர்கால ஒலிம்பிக் தொடர்பான இன்டர்நெட்தளத்தை போட்டி முடியும் வரை பார்த்தவர்களின் எண்ணிக்கையை விட அதிகம் என்பது குறிப்பிடத்தக்கது.