Destination Mexico

வாஷிங்டன்:

அமெரிக்காவின் 43 வது அதிபராகப் பதவியேற்றுக் கொண்டுள்ள ஜார்ஜ் டபிள்யூ புஷ் ஜூனியர், பதவியேற்ற பின் முதல் வெளிநாட்டு சுற்றுப்பயணமாகஅடுத்த மாதம் மெக்சிகோ செல்கிறார் என்று வெள்ளை மாளிகை தலைமை அதிகாரி ஆன்ட்ரு கார்டு ஞாயிற்றுக்கிழமை தனியார் தொலைக்காட்சிக்கு அளித்த பேட்டியில் தெரிவித்தார்.

கார்டு ஞாயிற்றுக்கிழமை அளித்த பேட்டியில், பிப்ரவரி மாதம் அதிபர் புஷ், மெக்ஸிகோ செல்கிறார். அதற்கான ஏற்பாடுகளை வெள்ளை மாளிகைஊழியர்கள் செய்து வருகிறார்கள்.

ஏப்ரல் மாதம் 20 முதல் 22 ம் தேதி வரை வட மற்றும் தென் அமெரிக்க முக்கியத் தலைவர்கள் சார்பில் நடத்தப்படும் மாநாட்டில் புஷ் கலந்துகொள்வார் என்றார்.

புஷ் அதிபராவதற்கு முன் டெக்ஸாஸ் மாநில கவர்னராக இருந்தார். மெக்ஸிகோ எல்லைப்பகுதியிலேயே டெக்ஸாஸ் உள்ளது. மேலும் மெக்ஸிகோமற்றும் அமெரிக்காவுக்கிடையே நல்லுறவை ஏற்படுத்தும் வகையில் இந்தப் பயணம் இருக்கலாம் என்று தெரிகிறது.

அதிபர் புஷ் ஏற்கனவே மெக்சிகோ சென்று அந்நாட்டு அதிபர் வின்சென்ட் பாக்ஸை சந்திக்க வேண்டும் என்று திட்டமிட்டிருந்தார். ஆனால்அமெரிக்காவில் தேர்தல் முடிந்தபின் புளோரிடா மாநில தேர்தல் பெரும் பிரச்சனையைக் கிளப்பியதால் அவரால் உடனடியாக மெக்சிகோ செல்லமுடியவில்லை என்பது குறிப்பிடத்தக்கது.