நியூமராலஜி படி பெயர் மாற்றிய ஜெ.-சசி

சென்னை:

எண் கணித ஜோதிடம் என்றழைக்கப்படும் நியூமராலஜி படி, தமிழக முதல்வர் ஜெயலலிதாவும் அவருடைய தோழிசசிகலாவும் தங்களுடைய பெயர்களில் சிறிய மாற்றங்களைச் செய்து கொண்டனர்.

நியூமராலஜியில் மிகுந்த நம்பிக்கை கொண்டவர்கள், தங்களுடைய பெயர்களை அடிக்கடி மாற்றிக் கொள்வதுவழக்கம். பத்திரிகைகளில் கூட, பெயர் மாற்றம் என்று விளம்பரங்கள் வருவதை அடிக்கடி காண முடியும்.

ஜெயலலிதாவும் இதற்கு விதி விலக்கல்ல. ஆங்கிலத்திலுள்ள தன்னுடைய பெயரின் இறுதியில் கூடுதலாக ஒருa-யைத் தற்போது சேர்த்துள்ளார். அதாவது, இதுவரை Jayalalitha என்றிருந்தது, தற்போது Jayalalithaa என்றுமாறிவிட்டது.

ஜெயலலிதாவின் உடன் பிறவாத் தோழி சசிகலாவும் தன்னுடைய பெயருக்கிடையில் கூடுதலாக ஒரு sசேர்த்துள்ளார். Sasikala என்ற தன்னுடைய பெயரை Sassikala என்று மாற்றியுள்ளார்.