புதுவை: 3 புதிய அமைச்சர்கள் பதவியேற்பு

பாண்டிச்சேரி:

பாண்டிச்சேரியில் முதல்வர் ரங்கசாமி தலைமையிலான அமைச்சரவையில் 3 புதிய அமைச்சர்கள் இன்று(ஞாயிற்றுக்கிழமை) பதவியேற்றுக் கொண்டனர்.

பாண்டிச்சேரியில் புதிய முதல்வர் ரங்கசாமி தலைமையிலான அமைச்சரவை பதவியேற்று 15 நாட்கள்முடிவடைந்துள்ளன.

இந்நிலையில் இன்று காலை ஆளுநர் மாளிகையில் நடந்த எளிய நிகழ்ச்சியில் 3 புதிய அமைச்சர்கள் பதவியேற்றுக்கொண்டனர். பதவியேற்ற சந்திரகாசு, வல்சராஜ், லட்சுமி நாராயணன் ஆகிய 3 பேரும் காங்கிரஸ் கட்சியைச் சேர்ந்தஎம்.எல்.ஏக்கள்.

இவர்களுக்கு பாண்டிச் சேரிய யூனியன் பிரதேச துணை நிலைய ஆளுநர் ரஜினி ராய் பதவிப் பிரமானம்செய்துவைத்தார். விழாவில் முதல்வர் ரங்கசாமி, தலைமைச் செயலாளர் டி.டி.ஜோசப், மற்றும் பல முக்கியத்தலைவர்கள் கலந்துகொண்டனர்.