திமுகவுக்கு ஆதரவாக பா.ஜ.க. பிரசாரம்

சென்னை:

ஆண்டிப்பட்டியில் திமுக வேட்பாளர் வைகை சேகருக்கு ஆதரவாக தமிழக பாரதீய ஜனதா கட்சித் தலைவர்கள் வருகிற 11ம் தேதி முதல்பிரசாரம் செய்கிறார்கள்.

11ம் தேதி முன்னாள் அமைச்சர் டாக்டர் எச்.வி.ஹண்டே பிரசாரம் செய்கிறார். மாநிலத் தலைவர் கிருபாநிதி 12ம் தேதியும், பொதுச்செயலாளர் இல.கணேசன் 13ம் தேதியும், மத்திய இளைஞர் நலம் மற்றும் விளையாட்டுத்துறை இணை அமைச்சர் பொன்.ராதாகிருஷ்ணன்14ம் தேதியும் பிரசாரம் செய்கிறார்கள்.

அகில இந்திய அளவில் எந்த பாரதீய ஜனதாக் கட்சித் தலைவர்களும் பிரசாரத்தில் கலந்து கொள்ள மாட்டார்கள் என்று ஏற்கனவேஅறிவிக்கப்பட்டுள்ளது.

பா.ம.க.?

மற்றொரு முக்கிய கூட்டணிக் கட்சியான பாட்டாளி மக்கள் கட்சி சார்பில் இதுவரை யாரும் ஆண்டிப்பட்டியில் பிரசாரம் செய்யவரவில்லை. இருப்பினும் பா.ம.க. தலைவர் டாக்டர் ராமதாசும், ஜி.கே.மணியும் பிரசாரத்தில் ஈடுபடலாம் என்று தெரிகிறது.

திமுக தலைவர் கருணாநதி 13ம் தேதி ஒரு நாள் மட்டும் பிரசாரத்தில் ஈடுபடுகிறார். ஏற்கனவே மு.க.அழகிரி ஆண்டிப்பட்டியில் முகாமிட்டுதீவிரப் பிரசாரத்தில் ஈடுபட்டுள்ளார். மு.க.ஸ்டாலினும் பிரசாரம் செய்து வருகிறார். பொதுச் செயலாளர் அன்பழகன் 13ம் தேதி முதல்பிரசாரம் செய்கிறார்.

திமுக ஆதரவு நடிகர்களும் பிரசாரத்தில் ஈடுபட்டுள்ளனர். ஆனால் நடிகை ராதிகா பிரசாரம் செய்ய மாட்டார் என்று தெரிகிறது.