நாளை ஸ்டாலின் மகன் திருமணம்

சென்னை:

சென்னை மாநகர மேயரும் திமுக இளைஞர் அணித் தலைவருமான ஸ்டாலினின் மகன் உதயநிதியின் திருமணம்சென்னையில் நாளை (திங்கள்கிழமை) நடக்கிறது.

திமுக தலைவரும் முன்னாள் முதல்வருமான மு. கருணாநிதியின் பேரன் உதயநிதிக்கும், காரைக்குடிசண்முகநாதபுரம் சேவு ராமசாமியின் மகள் கிருத்திகாவுக்கும் திருமணம் நிச்சயிக்கப்பட்டுள்ளது.

இவர்கள் திருமணம் சென்னையில் உள்ள கலைஞர் அரங்கத்தில் நாளை காலை 9.30 மணிக்கு நடைபெறுகிறது.

இந்தத் திருமணத்திற்கு திமுக பொதுச் செயலாளர் க. அன்பழகன் தலைமை தாங்குகிறார்.

திருமண விழாவை ஒட்டி இன்று வரவேற்பு நிகழ்ச்சி நடக்கிறது. மாலை 6.30 மணிக்கு தொடங்கும் இந்தநிகழ்ச்சியில் திரைப்பட இசை அமைப்பாளர் வித்யா சாகர் குழுவினரின் இன்னிசை கச்சேரி நடக்கிறது.