இலங்கை ராணுவத்துக்கு இந்தியாவில் கமாண்டோ பயிற்சி

கொழும்பு:

இலங்கை ராணுவத்தின் சிறப்புப் படையினருக்கு இந்தியாவில் கமாண்டோ பயிற்சி அளிக்கப்பட உள்ளது.

ஏற்கனவே இலங்கை ராணுவத்துக்கு அமெரிக்க, சீன நாட்டு ராணுவங்கள் பயிற்சி அளித்து வருகின்றன. இப்போதுஇந்தியாவும் இலங்கை ராணுவத்தின் சில சிறப்புப் பிரிவுகளுக்கு பயிற்சி தர உள்ளது.

இதற்கான ஒப்பந்தத்தில் சமீபத்தில் இந்தியா வந்த இலங்கைப் பிரதமர் ரணில விக்கிரமசிங்கே கையெழுத்திட்டார்.இலங்கை ராணுவத்தின் சிறப்புப் படைகளுக்கான கமாண்டர் ஹெட்டியாராச்சியும் ரணிலுடன் இந்தியாவந்திருந்தார் என்பது குறிப்பிடத்தக்கது.

இதற்காக இலங்கை ராணுவத்தினர் இந்தியா அனுப்பப்பட உள்ளனர். இவர்கள் இந்தியாவின் கமாண்டோ பயிற்சிமையங்களில் தங்கியிருந்து நவீன ஆயுதப் பயிற்சிகளை எடுத்துக் கொள்வர்.