கருணாநிதியுடன் பா.ஜ.க. புதிய தலைவர் சந்திப்பு
சென்னை:
தமிழக பா.ஜ.க. தலைவராக புதிதாதத் தேர்ந்தெடுக்கப்பட்ட சி.பி.ராதாகிருஷ்ணன் இன்று திமுத தலைவர் கருணாநிதியை அவரது இல்லத்தில் சென்று சந்தித்தார்.
தமிழக பா.ஜ.க. தலைவராகியுள்ள ராதாகிருஷ்ணன் கோவை எம்.பியாக உள்ளார். துணைப் பிரதமர் அத்வானிக்கு மிக நெருக்கமானவர். இதனால் இவர் மூலம் அதிமுக- பா.ஜ.க. கூட்டணிக்கு முயற்சிகள் நடக்கலாம் என்று எதிர்பார்க்கப்படும் நிலையில் கருணாநிதியை அவர் சந்தித்தார்.
காலை 9.30 மணிக்கு கோபாலபுரத்தில் உள்ள கருணாநிதியின் இல்லத்தில் இச் சந்திப்பு நடந்தது. அவருடன் மாநில பா.ஜ.க. பொதுச் செயலாளர் குமாரவேலு, சென்னை நகர பா.ஜ.க. தலைவர் ராமச்சந்திரன ஆகியோரும் உடன் சென்றனர்.
20 நிமிடம் நடந்த இச் சந்திப்பின்போது கருணாநிதி இவர்களிடம் அரசியல் ஏதும் பேசவில்லை என்று தெரிகிறது. அதிக ரீயாக்ஷன் எதையும் காட்டிக் கொள்ளாமல் வந்தவர்களிடம் நலம் விசாரித்துவிட்டு அவர்களை கருணாநிதி அனுப்பி வைத்தார் என திமுக வட்டாரங்ள் தெரிவிக்கின்றன.