டிசம்பர் முதல் டெலிபோன் கட்டணம் குறைகிறது

டெல்லி:

வரும் டிசம்பர் 1ம் தேதி முதல் நாடு முழுவதும் சாதாரண தொலைபேசிக் கட்டணமும், செல்போன்களின்கட்டணமும் குறைகின்றது.

அதே நேரம் ஒரே மாநிலத்துக்குள் 50 கி.மீ. முதல் 200 கி.மீ. தொலைவில் உள்ள நகரங்களுக்கு பேசப்படும்எஸ்.டி.டி. அழைப்புகளுக்கான கட்டணம், நிமிடத்துக்கு 20 காசில் இருந்து 60 காசாக உயர்த்தப்பட்டுள்ளது.

தொலைத்தொடர்பு ஒழுங்குமுறை ஆணையமான டிராய் இந்த இதனை அறிவித்துள்ளது.இதன்படி,செல்போனிலிருந்து செல்போனுக்குப் பேசுவதற்கான கட்டணம் வெகுவாகக் குறையும்.

மேலும் செல்போன் நிறுவனங்களுக்கு இடையிலான தொடர்புக் கட்டணமும் குறைக்கப்படுகிறது. இதனால் ஒருநிறுவனத்தின் செல்போனில் இருந்து இன்னொரு நிறுவன செல்போனுக்குப் பேசுவதற்கான கட்டணமும் குறையும்.ரோமிங் கட்டணம் வெகுவாகக் குறைவதால் தொலைதூர தொலைபேசிக் கட்டணங்களும் வெகுவாகக் குறையும்வாய்ப்புள்ளது.