அதிமுக கோஷ்டி மோதல்: மகளிர் அணித் தலைவி மண்டை உடைந்தது

சேலம்:

சேலம் மாவட்டம் வீரபாண்டியில் நடந்த அதிமுக தேர்தலில் நடந்த கோஷ்டி மோதலில் மகளிர் அணி செயலாளர்மண்டை உடைந்தது.

முன்னதாகத் தூத்துக்குடி, கோயம்புத்தூர் பகுதிகளில் நடந்த அதிமுக கிளைத் தேர்தலில் களேபரங்கள் நடந்து,செருப்புகள் பறந்து, அடிதடியில் முடிந்து, ரத்தக் களரியானது.

மேலும் சேலம் வீரபாண்டி டவுன் அதிமுக செயலாளர் பதவி உள்ளிட்ட பதவிகளுக்கு தேர்தல் நடந்தது. இதில்மகளிர் அணி செயலாளர் ஆதிலட்சுமி போட்டியிட விரும்பினார். ஆனால் ஏற்கனவே சமயதுரை என்பவர்போட்டியிட்டிருந்தார். அவரை போட்டியிலிருந்து விலகுமாறு ஆதிலட்சுமி வற்புறுத்தியதாக கூறப்படுகிறது.

இதையடுத்து சமயதுரைக்கு ஆதரவாக ஸ்ரீதர் என்பவர் வாக்குவாதத்தில் ஈடுபட்டார். அப்போது ஆதிலட்சுமிஉள்ளிட்டோர் தாக்கப்பட்டனர். இதில் ஆதிலட்சுமியின் மண்டை உடைந்தது. அவர் மருத்துவமனைக்குக் கொண்டுசெல்லப்பட்டார்.