டி.பிக்கு எதிரான உலக தூதராக ஏ.ஆர்.ரஹ்மான் நியமனம்

லண்டன்:

காசநோய்க்கு எதிராக உலகளாவிய பிரச்சாரத்தைத் தீவிரப்படுத்தும் வகையில் பிரச்சாரத் தூதராக இசைப்புயல்ஏ.ஆர்.ரஹ்மான் நியமிக்கப்பட்டுள்ளார். ஐ.நா. சபையின் உலக சுகாதார அமைப்பு இந்த நியமனத்தைச்செய்துள்ளது.

இந்த அறிவிப்பை பத்திரிக்கையாளர்களிடம் காசநோய் தடுப்பு அமைப்பும், உலக சுகாதார நிறுவனமும் இணைந்துவெளியிட்டன. அப்போது உடனிருந்த ரஹ்மான் அப்பொறுப்பை ஏற்றுக் கொண்டு பேசுகையில்,

இசை என்பது பொழுதுபோக்கு தன்மை மட்டும் கொண்டதல்ல. குணப்படுத்தும் தன்மையும் அதற்கு உண்டு.காசநோய் முற்றிலும் ஒழிக்கப்பட்டுவிட்டதாக வளர்ச்சியடைந்த நாடுகளில் ஒரு கருத்து நிலவி வருகிறது. அதுஉண்மையல்ல.

காசநோயால் ஆயிரக்கணக்கானோர் இறந்து கொண்டிருக்கும் காலகட்டத்தில்தான் நாம் வசிக்கிறோம். இந் நோய்முற்றிலும் குணப்படுத்தக் கூடியதேயாகும். இது தொடர்பான விழிப்புணர்வை உலக சுகாதார நிறுவன அதிகாரிகள்மட்டுமே மேற்கொள்ள முடியாது. பொதுமக்களும் அவர்களுடன் இணைந்து செயலாற்ற வேண்டும்.

இந்நோய்க்கு எதிராக போரிட்டு அதை ஒழிக்க வேண்டியது நமது கடமையாகும். அத்தகைய பணியைசெய்யவும், காசநோய் தொடர்பான விழிப்புணர்வை ஏற்படுத்தவும் நான் முடிந்தவரை உதவுவேன் என்றார்.