ஜெவின் தப்புத்தாளங்கள்: வாசன் மீண்டும் தாக்கு

சென்னை:

இன்று காலை அறிவாலயத்தில் திமுக தலைவர் கருணாநிதியை வாசன் சந்தித்துப் பேசினார். அப்போதுசோனியாவும் கருணாநிதியும் இணைந்து ஒரே மேடையில் பிரச்சாரம் செய்வது குறித்து ஆலோசிக்கப்பட்டது.

பின்னர் சத்தியமூர்த்தி பவன் திரும்பிய வாசன் நிருபர்களிடம் கூறியதாவது:

ஜெயலலிதாவால் தனது அரசின் சாதனைகள் என்று எதையும் பேச முடியவில்லை. சாதனை பற்றி அவர் பேசினால்மக்கள் வேதனை அடைவர்கள் என்று தெரியும். இதனால் தான் சோனியாவை விமர்சித்துக் கொண்டிருக்கிறார்.

போன தேர்தலில் இதே ஜெயலலிதா, வாஜ்பாய்க்கு எதிராக பாட்டெல்லாம் பாடி பிரச்சாரம் செய்ததுஅனைவருக்கும் நினைவிருக்கும். வாஜ்பாயே இந்தியாவை ஏமாத்திட்டீங்களே என்று பாடிய ஜெயலலிதாஇப்போது தப்புத் தாளம் போட்டு சோனியாவை விமர்சிக்கிறார்.

ஜெயலலிதாவின் ஏமாற்று வேலையெல்லாம் இனிமேல் தமிழக மக்களிடம் எடுபடாது என்றார்.