6 தொகுதிகளுக்கும் அனுப்பப்படும் சென்னை ரஜினி ரசிகர்கள்

சென்னை:

ரஜினிகாந்த் ஆதரவு கொடுத்துள்ள 6 தொகுதிகளிலும் ரசிகர் மன்றம் சார்பில் தேர்தல் பிரசாரத்தில் ஈடுபடும்பொறுப்பு சென்னை மாவட்ட ரசிகர் மன்ற நிர்வாகிகளுக்கு தரப்பட்டுள்ளது.

பாமக போட்டியிடும் புதுவை உள்ளிட்ட 6 தொகுதிகளிலும் அக்கட்சி வேட்பாளர்களைத் தோற்கடிக்க ரஜினிரசிகர்கள் சபதம் எடுத்துள்ளனர். ரசிகர் மன்றத் தலைவர் சத்யநாராயண ராவும், 6 தொகுதிகளிலும் அதிமுக,பா.ஜ.க. வேட்பாளர்கள்தான் ஜெயிக்க வேண்டும் என்று உத்தரவிட்டு விட்டார்.

இதைத் தொடர்ந்து தேர்தல் பிரசாரத்தில் ரசிகர்கள் குதித்துள்ளனர். சம்பந்தப்பட்ட 6 தொகுதிகளைச் சேர்ந்தரசிகர்கள் மட்டுமல்லாது, தமிழகத்தின் பிற பகுதிகளிலிருந்தும் ரசிகர்கள் படையெடுத்து வருகிறார்கள்.

தற்போது 6 தொகுதிகளுக்கும் தேர்தல் பொறுப்பாளர்கள் நியமிக்கப்பட்டு வருகின்றனர். முதல் கட்டமாக 3தொகுதிகளின் தேர்தல் பொறுப்பாளர்கள் அறிவிக்கப்பட்டுள்ளனர்.

அதன்படி தர்மபுரி தொகுதிக்கு சென்னை மாவட்ட ரஜினி ரசிகர் மன்றத் தலைவர் ஓம் சேகர், புதுவை தொகுதிக்குசென்னை மாவட்ட ரஜினி ரசிகர் மன்ற துணைத் தலைவர் சூர்யா, செங்கல்பட்டு தொகுதிக்கு சென்னை மாவட்டரசிகர் மன்ற பொறுப்பாளர் ராமதாஸ் ஆகியோர் நியமிக்கப்பட்டுள்ளனர்.

இது தவிர சென்னையில் உள்ள ரஜினி ரசிகர்கள் செங்கல்பட்டு, திண்டிவனம், புதுவை ஆகிய தொகுதிகளுக்குச்சென்று பாமகவுக்கு எதிரான பிரசாரத்தில் ஈடுபட முடிவு செய்துள்ளனர். இதனால் பாமகவினர் கதிகலங்கியுள்ளனர்.