ரஜினி பிரசாரத்தில் குதிப்பாரா?

சேலம்:

நடிகர் ரஜினிகாந்த் 6 தொகுதிகளில் அதிமுக, பா.ஜ.கவுக்கு ஆதரவு தெரிவித்திருந்தாலும் கூட அந்தத்தொகுதிகளில் நேரடியாக பிரசாரம் செய்ய மாட்டார் என்று ரஜினி ரசிகர் மன்றத் தலைவர் சத்யநாராயண ராவ்தெரிவித்துள்ளார்.

ரஜினி ரசிகர்களை பாமக எதிர்ப்புப் பணிகளில் தீவிரமாக ஈடுபடுத்தி ஒருமுனைப்படுத்தும் பணியில் சத்யநாராயணராவ் ஈடுபட்டுள்ளார். இது தொடர்பாக வட மாவட்டங்கள் மற்றும் பாமக போட்டியிடும் தொகுதிகளில் தீவிரசுற்றுப்பயணம் மேற்கொண்டுள்ளார்.

சேலம், தர்மபுரி, கிருஷ்ணகிரி, நாமக்கல் மாவட்ட ரசிகர் மன்ற நிர்வாகிகளின் செயல் வீரர்கள் கூட்டம் சேலத்தில்நடந்தது. இதில் சத்யநாராயண ராவும் கலந்து கொண்டார்.

பின்னர் தர்மபுரி தொகுதி பா.ஜ.க. வேட்பாளர் பு.தா. இளங்கோவனை ஆதரித்துத் தீவிர பிரசாரம் செய்வதுகுறித்து ரசிகர்களுக்கு அவர் விளக்கினார். எப்படிப் பிரசாரம் செய்ய வேண்டும் என்றும் அவர் அறிவுரைவழங்கினார்.

பின்னர் செய்தியாளர்களிடம் அவர் பேசுகையில், சேலம், கடலூர், புதுவையில் ரசிகர்கள் போராட்டம்நடத்தியதாகவும், ரஜினி உருவ பொம்மையை எரித்ததாகவும் வெளியான செய்திகளில் உண்மை இல்லை.அவர்கள் உண்மையான ரஜினி ரசிகர்கள் இல்லை. ரஜினி ரசிகர்கள் போர்வையில் வேறு சிலர் இவ்வாறுநடந்துள்ளனர்.

ரசிகர்களுக்கு எந்த பாதிப்பையும் கொடுக்க ரஜினி விரும்பமாட்டார். எனவே நாங்கள் எடுக்கும் முடிவுரசிகர்களுக்கு எந்தவித பாதிப்பையும் ஏற்படுத்தாது. இதை ரசிகர்கள் உணர்ந்து கொள்ள வேண்டும்.

6 தொகுதிகளிலும் ரசிகர்கள் தீவிரப் பிரசாரத்தில் ஈடுபடுவார்கள். ரஜினி பிரசாரத்தில் ஈடுபட மாட்டார் என்றார்சத்யநாராயண ராவ்.