வேட்பாளருக்கு மிரட்டல் கேசட்: வீரப்பன் தேடுதல் வேட்டை தீவிரம்

சத்தியமங்கலம்:

கர்நாடக மாநில சட்டமன்றத் தேர்தலில் போட்டியிடும் ஒரு வேட்பாளருக்கு வீரப்பன் மிரட்டல் கேசட் அனுப்ப முயன்றதாகவெளியான தகவலையடுத்து வீரப்பன் வேட்டையை அதிரடிப்படை போலீஸார் தீவிரமாக்கியுள்ளனர்.

கொள்ளேகால் சட்டசபைத் தொகுதியில் போட்டியிடும் ஒரு வேட்பாளருக்கு வீரப்பன் மிரட்டல் ஆடியோ கேசட் அனுப்பியதாகதகவல்கள் வெளியானது. இதனால் கர்நாடகத்தில் பரபரப்பு ஏற்பட்டது.

போலீஸார் விசாரணை மேற்கொண்டபோது, கேசட் வந்து சேரவில்லை என்றும், ஆனால், கேசட் அனுப்ப வீரப்பன் தரப்புமுயற்சிகள் மேற்கொண்டுள்ளதாகவும் தெரிய வந்தது.

இதையடுத்து அதிரடிப்படை வீரர்கள் உஷார்படுத்தப்பட்டுள்ளனர். கர்நாடக மற்றும் தமிழக சிறப்பு அதிரடிப்படை வீரர்கள்மீண்டும் தேடுதல் வேட்டையை முடுக்கி விட்டுள்ளனர்.

பாலாறு, கார்கேகண்டி, ராமாபுரம், கடம்பூர் உள்ளிட்ட வனப்பகுதிகளில் அதிரடிப்படை வீரர்கள் தீவிர தேடுதல் வேட்டை நடத்திவருகின்றனர்.

வனப் பகுதிகளின் அருகே மாலை நேரத்துக்கு மேல் பிரச்சாரத்துக்குப் போக வேண்டாம் என வேட்பாளர்களை போலீசார்எச்சரித்துள்ளனர்.