கர்ப்பம்: பிரசாரத்தை தவிர்க்கும் ராதிகா
சென்னை:
திமுகவின் பிரசார பீரங்கிகளில் ஒருவரான நடிகை ராதிகா, கர்ப்பமாக இருப்பதால் இந்த முறை தேர்தல்பிரச்சாரத்தைத் தவிர்த்து வருகிறார்.
வழக்கமாக மாநிலம் முழுவதும் திமுகவுக்கு அவர் பிரச்சாரம் செய்வது வழக்கம். சரத்குமாரை திருமணம் செய்துகொண்ட பின் இப்போது அவர் கர்ப்பமாக இருக்கிறார்.
இதற்கிடையே சரத்குமாருக்கு தனி பிரச்சார வாகனத்தைத் தயார் செய்து தந்திருக்கிறது திமுக. அதில் அவர் பிரசாரம்மேற்கொள்ள இருக்கிறார்.
அதே போல திமுக எம்.எல்.ஏவான நெப்போலியன் 21 நாட்கள் ஜனநாயக முற்போக்குக் கூட்டணிவேட்பாளர்களை ஆதரித்து தீவிரப் பிரசாரம் மேற்கொள்ளவுள்ளார்.
சென்னை வில்லிவாக்கம் சட்டமன்றத் தொகுதி உறுப்பினருமான நெப்போலியன் நேற்று முதல் தனதுபிரசாரத்தைத் தொடங்கினார். நீலகிரி மாவட்டத்தில் காங்கிரஸ் வேட்பாளர் பிரபுவுக்கு ஆதரவாக பிரசாரத்தைத்தொடங்கிய நெப்போலியன் தொடர்ந்து தீவிர பிரசாரம் செய்கிறார்.
மே 7ம் தேதி வரை அவர் தீவிரப் பிரசாரத்தில் ஈடுபடுகிறார். இதற்காக திமுக தலைமைக் கழகம் அவருக்கும்பிரச்சார வேனை வழங்கியுள்ளது.