சாலை விபத்தில் பொங்கலூர் பழனிச்சாமியின் மனைவி பலி

கோவை:

கோவை மாவட்ட திமுக செயலாளரும் முன்னாள் தமிழக வனத்துறை அமைச்சருமான பொங்கலூர்பழனிச்சாமியின் மனைவியும், தம்பி மகனும் கார் விபத்தில் பலியாகினர்.

பழனிச்சாமியின் மனைவி விஜயலட்சுமி பழனிசாமி(58). இவரும், பழனிச்சாமியின் தம்பி அர்ச்சுனனின் மகன்முத்து குமாரசாமியும் இன்று மாருதி சென் காரில் கரூரில் இருந்து கோயம்புத்தூர் திரும்பி கொண்டிருந்தனர்.

கரூர், பரமத்தி அருகே உள்ள விஸ்வநாதபுரி அருகே கார் வந்தபோது அந்த வழியாக சிமெண்ட் லாரி கார் மீதுபயங்கரமாக மோதியது.

இந்த விபத்தில் விஜயலட்சுமியும் முத்து குமாரசாமியும் சம்பவ இடத்திலேயே இறந்தனர். இது குறித்து பரமத்திபோலீசார் வழக்குப் பதிவு செய்து விசாரணை நடத்தி வருகின்றனர்.