அன்புமணியின் சொத்து ரூ. 1.85 கோடி

சென்னை:

மாநிலங்களவைத் தேர்தலில் போட்டியிடும் மத்திய சுகாதாரத்துறை அமைச்சர் டாக்டர் அன்புமணி தனக்கு ரூ. 1.85 கோடி அளவுக்கு சொத்து இருப்பதாகத் தெரிவித்துள்ளார்.

பாமக நிறுவனர் ராமதாசின் மகனான அன்புமணி தனது வேட்பு மனுவுடன் சொத்துக் கணக்கையும் தேர்தல் அதிகாரி ராஜாராமனிடம் தாக்கல் செய்தார்.

அதில் அன்புமணி குறிப்பிட்டுள்ள சொத்துக்களின் மதிப்பு: வங்கியில் ரூ. 50,000 பணம், முதலீடுகளாக ரூ. 84,180. இரு தனியார் நிறுவனங்களில் தலா ரூ. 89,490 மற்றும் ரூ. 50,000 மதிப்பிலான பங்குகள்.

ரூ. 32,298 மதிப்பிலான எல்.ஐ.சி பாலிசி. ரூ. 78,000 மதிப்புள்ள நகைகள்.

மனைவி செளம்யாவிடம் ரூ. 20,000 ரொக்கம், வங்கிக் கணக்கில் ரூ. 5.4 லட்சம் இருப்பு, ரூ. 50,000 மதிப்பிலான பங்குகள், ரூ. 39,710 மதிப்பிலான எல்.ஐ.சி. பாலிசி, ரூ. 5.20 லட்சம் மதிப்பு நகைகள், ரூ. 1.4 லட்சம் வைர நகைகள், ரூ. 32,000 வெள்ளி நகைகள்.

சென்னை, திண்டிவனத்தில் உள்ள வீடுகளின் மதிப்பு ரூ. 35 லட்சம், இவற்றைத் தவிர ரூ. 4.54 லட்சம் மதிப்பிலான நிலம்.3 மகள்களின் பெயரிலும் மொத்தமாக ரூ. 3.08 லட்சம் நகைகளும், ரூ. 48,000 ரொக்கம் உள்ளிட்ட சொத்துக்கள் உள்ளன என்று அன்புமணி குறிப்பிட்டுள்ளார்.