இலங்கைக்கு எதிரான டெஸ்டில் ஆஸ்திரேலியா வெற்றி

டார்வின்:

இலங்கைக்கு எதிரான முதல் டெஸ்ட் கிரிக்கெட் போட்டியில் ஆஸ்திரேலியா 149 ரன்கள் வித்தியாசத்தில் வெற்றிபெற்றது.

ஆஸ்திரேலியாவில் உள்ள டார்வினில் நடந்த இந்தப் போட்டியில் முதல் இன்னிங்ஸில் இலங்கை 97 ரன்களுக்குசுருண்டது. அதேசமயம் ஆஸ்திரேலியா முதல் இன்னிங்ஸில் 207 ரன்களையும், 2-வது இன்னிங்ஸில் 201ரன்களையும் எடுத்தது.

2வது இன்னிங்ஸில் 312 ரன்களை எடுத்தால் வெற்றி பெறலாம் என்ற இலக்குடன் களமிறங்கிய இலங்கை அணி162 ரன்கள் மட்டுமே எடுக்க முடிந்தது.

ஆஸ்திரேலியாவின் வேகப்பந்து வீச்சாளர் காஸ்ப்ரோவிச் சிறப்பாக பந்து வீசி 39 ரன்களை மட்டுமே கொடுத்து 7விக்கெட்டுகளைக் கைப்பற்றினார்.

இதனால் 3 தினங்களுக்குள்ளேயே ஆட்டம் முடிவுக்கு வந்தது. இரண்டாவது டெஸ்ட் போட்டி கெய்ர்ன்ஸில் வரும்9-ம் தேதி தொடங்குகிறது.

இந்தப் போட்டியில் வார்னே 3 விக்கெட்டுகள் வீழ்த்தி டெஸ்ட் போட்டிகளில் அதிக விக்கெட்டுகள் எடுத்தவர்கள்வரிசையில் 2-வது இடத்துக்கு முன்னேறினார். டெஸ்ட் கிரிக்கெட்டில் அதிக விக்கெட்டுகள் கைப்பற்றியவர்கள்விவரம் வருமாறு (விளையாடிய போட்டிகள் அடைப்புக்குறிக்குள்):-

1. முரளீதரன்- இலங்கை: 527 (90)

2. வார்னே- ஆஸ்திரேலியா: 520 (111)

3. வால்ஷ்- வெஸ்ட் இண்டீஸ்: 519 (132)

4. மெக்ராத்- ஆஸ்திரேலியா: 437 (96)

5. கபில்தேவ்- இந்தியா: 434 (131)

6. ரிச்சர்ட் ஹாட்லே- நியூசிலாந்து: 431 (86)

7. வாசிம் அக்ரம்- பாகிஸ்தான்: 414 (104)

8. அம்புரோஸ்- வெஸ்ட்இண்டீஸ்: 405 (98)

9. கும்பிளே- இந்தியா: 397 (84)

10. இயான் போத்தம்- இங்கிலாந்து: 383 (102)