குணமடைய பிரதமருக்கு கருணாநிதி கடிதம்

சென்னை:

விரைவில் உடல் நலம் பெற வேண்டி பிரதமர் மன்மோகன் சிங்குக்கு திமுக தலைவர் கருணாநிதி கடிதம்அனுப்பினார்.

கருணாநிதி எழுதிய கடிதத்தில் கூறப்பட்டிருப்பதாவது:

தமிழக மக்கள் குறிப்பாக நான் தங்களது வருகையை ஆவலுடன் எதிர்பார்த்திருந்தேன். ஆனால் உடல்நலக்குறைவு காரணமாக தங்களது தமிழக வருகை ரத்து செய்யப்பட்டிருப்பதை அறிந்து ஏமாற்றம் அடைந்தேன்.தாங்கள் விரைவில் உடல்நலம் பெற விரும்புகிறேன்.

தங்களது பயணம் ரத்து தொடர்பாக எதிர்க்கட்சியினர் செய்து வரும் பொய்ப் பிரசாரம் உங்களதுநம்பகத்தன்மையை எந்த விதத்திலும் பாதிக்காது. என்னைப் போன்றவர்களுக்கு தங்களைப் பற்றி நன்கு தெரியும்என்று கூறியுள்ளார்.

அதற்கு பிரதமர் மன்மோகன் சிங் அனுப்பிய பதில் கடிதத்தில்,

உடல் நலக்குறைவு ஏற்பட்டதாலேயே தமிழகத்துக்கு வர முடியவில்லை. தங்களை சந்திக்கவும் முடியவில்லை.இதற்காக மிகவும் வருத்தப்படுகிறேன். உடல் நலமடைந்ததும் விரைவில் தமிழகம் வந்து உங்களைச் சந்திப்பேன்.உங்களது ஆதரவும் நல்லெண்ணமும் என்னை உற்சாகம் கொள்ள வைத்தன என்று குறிப்பிட்டுள்ளார்.