பொடாவுக்கு சாவு மணி

டெல்லி:

பொடா சட்டத்தை ரத்து செய்யும் சட்ட மசோதா இன்று மக்களவையில் கொண்டு வரப்பட்டது.

பா.ஜ.க. எம்பிக்களின் கடும் எதிர்ப்புக்கிடையே இந்த மசோதாவை திமுகவைச் சேர்ந்த மத்திய உள்துறை இணையமைச்சர் ரகுபதி இன்றுகொண்டு வந்தார்.

பொடா ரத்துக்கு எதிராக பா.ஜ.கவினர் குரல் தர ஆளும் காங்கிரஸ் மற்றும் திமுக, பா.ம.க., மதிமுக கட்சிகள் எதிர் குரல் கொடுத்தன.

பொடா சட்டம் ரத்தாவதால் நாட்டின் பாதுகாப்பே கேள்விக்குறியாகிவிடும் என பா.ஜ.க. எம்பியான மல்ஹோத்ரா கூறினார். ஆனால்,இதை மறுத்த ரகுபதி மசோதாவை தாக்கல் செய்தார்.

அதில், பொடா சட்டம் முழுக்க முழுக்க முறைகேடாகப் பயன்படுத்தப்பட்டதால், அந்தச் சட்டம் நீக்கப்படுவதாகக் குறிப்பிடப்பட்டுள்ளது.