அரசு பள்ளியில் செக்ஸ் கல்வி அறிமுகம்!

சென்னை:

தேனி மாவட்டம் கல்லார் அரசு மேல் நிலைப் பள்ளியில், தமிழகத்திலேயே முதல் முறையாக செக்ஸ் கல்வி அறிமுகப்படுத்தப்பட்டுள்ளது.

தமிழக பள்ளிகளில் செக்ஸ் கல்வியை அறிமுகப்படுத்த தமிழக அரசின் கல்வித்துறை முடிவு செய்தது. இதைத் தொடர்ந்து முதல் கட்டமாகதேனி மாவட்டம் கருணக்கத்தம்பட்டி அருகே உள்ள கல்லார் பகுதியில் உள்ள அரசு மேல் நிலைப்பள்ளியில் செக்ஸ் கல்வி அறிமுகம்செய்யப்பட்டுள்ளது.

செக்ஸ் கல்வி குறித்து திட்ட உறுப்பினர் வெங்கடேசன் கூறுகையில், பாலியல் முறைகேடுகள், பாலியல் நோய்கள் மற்றும் பாலியல்பிரச்சனைகளை எப்படி சமாளிப்பது என்பது குறித்து எங்களது பாடத் திட்டத்தில் கவனம் செலுத்தப்பட்டுள்ளது.

செக்ஸ் கல்வியை போதிப்பதற்காக 2 ஆசிரியர்கள் தேர்வு செய்யப்பட்டு குஜராத் அனுப்பப்பட்டனர். அங்கு அவர்களுக்கு சிறப்பு பயிற்சிஅளிக்கப்பட்டது. இதையடுத்து தமிழகம் திரும்பிய இருவரும், ஏராளமான ஆசிரியர்களுக்கு பயிற்சியளித்துள்ளனர் என்றார்வெங்கடேசன்.

முதல் நாளான நேற்று மாணவர்களை 16 பிரிவுகளாக பிரித்து, செக்ஸ்ரீதியான சந்தேகங்ளுக்கு ஆசிரியர்கள் விளக்கமளித்தனர்.

தமிழகம் முழுவதும் உள்ள அரசு மற்றும் அரசு உதவி பெறும் பள்ளிகளில் செக்ஸ் கல்வி படிப்படியாக அமல்படுத்தப்படவுள்ளது.