திருப்பதி கோவிலில் தீ விபத்து

திருப்பதி:

திருப்பதி கோவில் சமையலறையில் நேற்று மாலை தீப் பிடித்தது. உடனடியாக அங்கிருந்த ஊழியர்கள் அனைவரும்அப்புறப்படுத்தப்பட்டதால் அவர்கள் காயமின்றி உயிர் தப்பினர்.

திருப்பதி வெங்கடாசலபதி கோவில் சமையலறையில் நேற்று மாலை 4 மணியளவில் திடீரென தீப்பிடித்தது. அப்போது அங்கு நூற்றுக்கும்மேற்பட்ட ஊழியர்கள் இருந்தனர்.

தீப்பிடித்த தகவல் அறிந்ததும் இவர்கள் அனைவரும் அவசரம் அவசரமாக அங்கிருந்து அப்புறப்படுத்தப்பட்டனர். தீயணைக்கும்படையினர் விரைந்து வந்து தீ மேலும் பரவாமல் உடனடியாக அணைத்தனர்.

இந்த தீ விபத்தால் ஏற்பட்ட பொருள் சேதங்கள் பற்றிய விவரம் எதுவும் உடனடியாக தெரியவில்லை.