காஞ்சிபுரம்: தொகுதி ரவுண்ட் அப்

காஞ்சிபுரம்:

காஞ்சிபுரம் தொகுதிக்குட்பட்ட காஞ்சிபுரம் ஊராட்சி ஒன்றியத்தில் மொத்தம் 43 ஊராட்சிகள் உள்ளன. இவற்றின் கீழ் 95கிராமங்கள் உள்ளன. காஞ்சிபுரம் நகராட்சியில் 45 வார்டுகள் உள்ளன. மொத்தம் 2,35,636 வாக்காளர்கள் உள்ளனர். இவர்களில்ஆண் வாக்காளர்கள் 1,14,387. பெண் வாக்காளர்கள் 1,21,211.

பெரும்பான்மை சமுதாயம்: முதலியார். அடுத்து வன்னியர்கள் உள்ளனர். கிராமப்புறங்களில் தாழ்த்தப்பட்டோர் அதிகம்உள்ளனர். பிராமணர்கள், செட்டியார், யாதவர், நாயுடு மற்றும் பிற சமுதாயத்தினர் மொத்தமாக 30 சதவீதம் பேர் உள்ளனர்.

காஞ்சிபுரத்தைப் பொருத்தவரை முக்கியத் தொழில் நிெசவு. இத்தொழிலை நம்பி இங்கு பல லட்சக்கணக்கானோர் இருக்கிறார்கள்.குறிப்பாக, பிள்ளையார்பாளையம் பகுதியில் அதிக அளவில் நெசவாளர்கள் உள்ளனர்.

அறிஞர் அண்ணா பிறந்த காஞ்சிபுரம் தொகுதியில் இதுவரை 11 முறை தேர்தல் நடந்துள்ளது. இதில் திமுகவும், அதிமுகவும் தலா5 முறை வெற்றி பெற்றுள்ளன. ஒரே ஒரு முறை காங்கிரஸ் கட்சி இங்கு வென்றுள்ளது.

இந்தத் தொகுதியில் வெற்றி பெறும் கட்சியே மாநிலத்தில் ஆட்சியும் அமைக்கும் என்கிற சென்டிமென்ட்டையும் கொண்டதுகாஞ்சிபுரம் தொகுதி.

அதிமுகவும், திமுகவும் மொத்தம் 7 முறை நேரடியாக மோதியுள்ளன. இதில் 5 தேர்தல்களில் அதிமுகவே வென்றுள்ளது.எம்.ஜி.ஆர் உயிருடன் இருந்தவரை இத்தொகுதி அதிமுகவின் கோட்டையாக விளங்கியது.