கொடைக்கானல் - பழனிக்கு ரோப் கார்

கொடைக்கானல்:

மலைகளின் இளவரசியான கொடைக்கானலிலிருந்து, அறுபடை வீடுகளில் ஒன்றான பழனி முருகன் கோவிலுக்கு ரோப் கார்களைஇயக்கும் திட்டம் விரைவில் அமல்படுத்தப்படும் என தமிழக போக்குவரத்து அமைச்சர் விஸ்வநாதன் கூறினார்.

கொடைக்கானலில் 44வது மலர்க் கண்காட்சி பிரையன்ட் பூங்காவில் தொடங்கியது. அமைச்சர் விஸ்வநாதன் மலர்க் கண்காட்சியைத்தொடங்கி வைத்தார். பின்னர் அவர் பேசுகையில், கொடைக்கானலுக்கு வரும் சுற்றுலாப் பயணிகளின் எண்ணிக்கை நாளுக்கு நாள்அதிகரித்து வருகிறது.

இதைத் தொடர்ந்து கொடைக்கானலை மேம்படுத்த பல்வேறு நடவடிக்கைகள் மேற்கொள்ளப்பட்டு வருகின்றன. கொடைக்கானலிலிருந்துபழனி மலைக்கு ரோப் கார்களை இயக்க முதல்வர் ஜெயலலிதா உத்தரவிட்டுள்ளார்.

இதைத் தொடர்ந்து விரைவில் ஆய்வுப் பணிகள் தொடங்கவுள்ளன. அது முடிந்ததும் திட்டம் நிறைவேற்றப்படும் என்றார் விஸ்வநாதன்.