ஜெமினியின் மகன் பாபுஜி மரணம்

சென்னை:

மாரடைப்பால் மரணமடைந்த ஜெமினி கணேசனின் மகன் பாபுஜியின் உடல் சென்னையில் இன்று அடக்கம் செய்யப்பட்டது.

மறைந்த பிரபல நடிகர் ஜெமினி கணேசனுடன் ஒரு படத்தில் இணைந்து நடித்து பின்னர் அவரை காதலித்து திருமணம் செய்த புஷ்பவள்ளியின் மகன் பாபுஜி. இவர் நேற்று மாரடைப்பால் காலமானார்.

மறைந்த பாபுஜியின் உடலுக்கு இன்று காலை ஈக்காட்டுதாங்கலில் உள்ள அவரது இல்லத்தில் இறுதிச் சடங்குகள் நடந்தன. இன்று மாலை மயிலாப்பூரிலுள்ள கல்லறை தோட்டத்தில் பாபுஜியின் உடல் அடக்கம் செய்யப்பட்டது.

பாபுஜி குழந்தை நட்சத்திரமாக பல படங்களில் நடித்துள்ளார். ஒரு தமிழ் படத்தையும், ஒரு இந்திப் படத்தையும் இவர் இயக்கியுள்ளார். இவரது மனைவி விஜயலட்சுமியின் சகோதரி தான் குட்டி பத்மினி.

இவர் தயாரித்த சில தொலைக்காட்சி தொடர்களையும் இயக்கியுள்ள பாபுஜியின் சகோதரி தான் இந்தித் திரையுலகில் கொடிகட்டிப் பறந்து கொண்டிருக்கும் நடிகை ரேகா.