மதுரை துணை மேயராக திமுக கவுன்சிலர் தேர்வு

மதுரை:

மதுரை மாநகராட்சி துணை மேயராக திமுகவைச் சேர்ந்த ஹவுஸ் பாஷா போட்டியின்றித் தேர்ந்தெடுக்கப்பட்டார்.

துணை மேயராக இருந்த சின்னச்சாமி சமீபத்தில் மரணமடைந்தார். இதையடுத்து இப்பதவிக்கு திங்கள்கிழமை தேர்தல் நடந்தது.

திமுக கூட்டணிக்கு பெரும்பான்மை பலம் இருந்ததால் திமுக சார்பில் போட்டியிடுபவரே வெற்றி பெறும் நிலை இருந்தது.இருப்பினும் முன்னாள் துணை மேயரான மிசா பாண்டியன் தான் போட்டியிட விருப்பம் தெரிவித்திருந்ததால் பரபரப்பு ஏற்பட்டது.

இந்த நிலையில் இன்று காலை துணை மேயர் தேர்தல் நடந்தது. திமுக சார்பில் ஹவுஸ் பாஷா போட்டியிட வேட்பு மனு தாக்கல்செய்தார். அவரை எதிர்த்து யாரும் போட்டியிட மனு செய்யாததால், பாஷா போட்டியின்றி தேர்ந்தெடுக்கப்பட்டதாகஅறிவிக்கப்பட்டது. மதுரை 40வது வார்டைச் சேர்ந்த திமுக கவுன்சிலர் ஹவுஸ் பாஷா.