குண்டர் சட்டம்: சுப்ரீம் கோர்ட்டில் சதுர்வேதி அப்பீல்

டெல்லி:

குண்டர் சட்டத்தில் தான் கைது செய்யப்பட்டது செல்லும் என சென்னை உயர்நீதிமன்றம் அளித்த தீர்ப்பை எதிர்த்து செக்ஸ்சாமியார் சதுர்வேதி உச்சநீதிமன்றத்தில் மேல் முறையீடு செய்துள்ளார்.

சென்னை தி.நகரைச் சேர்ந்த தொழிலதிபர் சுரேஷின் மனைவி மற்றும் மகளை ஹைதராபாத்துக்குக் கடத்திச் சென்று செக்ஸ்கொடுமை செய்ததாக சதுர்வேதியை போலீஸார் கைது செய்தனர். இந்த கைதுக்குப் பிறகு அவர் மீது பல்வேறு மோசடிவழக்குகளும் பதிவு செய்யப்பட்டன. பின்னர் குண்டர் சட்டம் பாய்ந்தது.

குண்டர் சட்டத்தில் தான் கைது செய்யப்பட்டதை எதிர்த்து உயர்நீதிமன்றத்தில் சதுர்வேதி மனு செய்தார். ஆனால் சதுர்வேதியின்மனுவை உயர்நீதிமன்றம் தள்ளுபடி செய்து, குண்டர் சட்டத்தில் அவரைக் கைது செய்தது செல்லும் என்று தீர்ப்பளித்தது.

இந் நிலையில் உயர்நீதிமன்றத் தீர்ப்பை எதிர்த்து உச்சநீதிமன்றத்தில் சதுர்வேதி மேல் முறையீடு செய்துள்ளார். இந்த மனுவைவிசாரணைக்கு ஏற்ற உச்சநீதிமன்ற டிவிஷன் பெஞ்ச் இதுதொடர்பாக 6 வாரங்களுக்குள் விளக்கம் அளிக்குமாறு கூறி தமிழகஅரசு, தமிழக காவல்துறை ஆகியவற்றுக்கு நோட்டீஸ் அனுப்ப உத்தரவிட்டது.