பள்ளி பாடத்தில் சானியா, சச்சின் வரலாறு!

காளஹஸ்தி:

பள்ளி பாடத் திட்டத்தில் கிரிக்கெட் வீரர் தெண்டுல்கர், டென்னிஸ் வீராங்கனை சானியா மிர்சா ஆகியோரின் வாழ்க்கைவரலாற்றை அறிமுகப்படுத்த தேசிய கல்வி ஆராய்ச்சி மற்றும் பயிற்சி ஆணையம் திட்டமிட்டுள்ளது.

பள்ளி மாணவர்களின் மனதில் விளையாட்டு ஆர்வத்தை ஏற்படுத்துவதற்காக பிரபல விளையாட்டு வீரர்களின் வாழ்க்கைகதையை பாடங்களில் சேர்க்க கோரிக்கை விடப்பட்டது. இதை தேசிய கல்வி ஆராய்ச்சி மற்றும் பயிற்சி ஆணையம் ஏற்றுக்கொண்டது.

இதன்படி 9ம் வகுப்பில் உள்ள கலாசாரம் மற்றும் சமூகவியல் பாடத்தில் விளையாட்டு மற்றும் அரசியல் என்ற பகுதியில்கிரிக்கெட் வீரர் தெண்டுல்கர், டென்னிஸ் வீராங்கனை சானியா மிர்சா, கார் பந்தய வீரர் நரேன் கார்த்திகேயன் போன்றோரின்வாழ்க்கை வரலாறு இடம்பெறவுள்ளது.

இவர்கள் விளையாட்டுத் துறையில் எப்படி நுழைந்தார்கள், இவர்களது மாணவப்பருவம், விளாைட்டு சாதனைகள் குறித்துபாடங்கள் அமையும் என்று தேசிய கல்வி ஆராய்ச்சி மற்றும் பயிற்சி ஆணைய அதிகாரி கிருஷ்ணமூர்த்தி தெரிவித்துள்ளார்.