இசை மேதைகள் பட்டம்மாள், லால்குடி கெளரவிப்பு
சென்னை:
கர்நாடக இசை மேதைகள் பாடகி டி.பி. பட்டம்மாள், வயலின் வித்வான் லால்குடி ஜெயராமன் ஆகியோரின் சங்கீத சேவையைபாராட்டி பெங்களூர் ஞான சமாஜம் வருகிற 27ம் தேதி நடக்கவுள்ள தங்களது நூற்றாண்டு விழாவில் கெளரவிக்கறது.
பெங்களூர் ஞானசமாஜம் 1905ம் ஆண்டு பெங்களூரில் தொடங்கப்பட்டது. இந்த சமாஜத்தில் இசை நிகழ்ச்சி நடத்தாத தமிழககலைஞர்களே இல்லை என்று சொல்லும் அளவிற்கு புகழ் பெற்றது. இந்த சமாஜத்தின் நூற்றாண்டு விழா வரும் 27ம் தேதிபெங்களூரில் நடைபெறுகிறது.சென்னை நாரத கான சபா மற்றும் பெங்களூர் ஞான சமாஜமும் சேர்ந்து நடத்தும் இந்த விழாவில் மராட்டிய கவர்னர் எஸ்.எம்.கிருஷ்ணா கலந்து கொண்டு நிகழ்ச்சியை துவக்கி வைக்கிறார்.
சமாஜத்தின் நூற்றாண்டு விழா நிகழ்ச்சியில் கர்நாடக இசைக் கலைஞர்கள் பட்டம்மாள் மற்றும் லால்குடி ஜெயராமன்ஆகியோர்களின் சங்கீத சேவையை பாராட்டி தலா ரூ. 20,000, மற்றும் நினைவு கேடயமும் வழங்கி கெளரவிக்கப்பட உள்ளார்கள்.
இந்த நிகழ்ச்சியில் முன்னாள் கர்நாடக உயர்நீதிமன்ற நீதிபதி கே.எஸ். பக்தவச்சலமும் கலந்து கொள்கிறார் என்று ஞான சமாஜத்தின்தலைவர் கமல்நாத் மற்றும் நாரதகான சபா செயலாளர் ரவிச்சந்திரன் ஆகியோர் தெரிவித்தனர்.