டிடிஎச் ஒளிபரப்பை தொடங்கும் சன் டிவி

சென்னை:

டாடா, ஸ்டார் டிவி, குழுமம், ஜீ டிவி குழுமங்களுக்குப் போட்டியாக சன் டிவி நிறுவனமும் டிடிஎச்(டைரக்ட்-டூ-ஹோம்) ஒளிபரப்பை தொடங்குகிறது.

சிறிய டிஷ் ஆன்டனா, செட்டாப் பாக்ஸ் ஆகியவை இருந்தால் கேபிள் டிவி இணைப்பு இல்லாமலேயே இந்தஒளிபரப்பை பார்க்க முடியும். இதை வாங்க ரூ. 3,000 வரை செலவாகும். கேபிள் டிவி வசதி இல்லாதபகுதிகளுக்கும், சாதாரண ஒளிபரப்பு சென்றடைய முடியாத பகுதிகளுக்கும் தொலைக்காட்சி நிகழ்ச்சிகளைக்காண டிடிஎச் தொழில்நுட்பம் உதவும்.

தனியாக டிடிஎச் ஒளிபரப்பை தொடங்குவதையெட்டி இதுவரை தூர்தர்ஷனின் டிடிஎச் தொகுப்பில் இருந்த சன்டிவி விலகிக் கொண்டுவிட்டது.

தூர்தர்ஷனில் இப்போது அந்த இடத்தை ஜெயா டிவிக்கு வழங்கியுள்ளது. இதனால் தூர்தர்ஷனின் டைரக்ட்பிளஸ் ஒளிபரப்பில் ஜெயா டிவியும் இடம் பிடித்துள்ளது.

இதன் மூலம் ஜெயா டிவி ஒளிபரப்பை இந்தியா முழுவதும் கேபிள் இணைப்பு இல்லாமலே பார்க்க முடியும்.

தனியார் டிடிஎச் ஒளிபரப்பு நிறுவனங்களிடம் இணைப்பைப் பெற்றால் கட்டணச் சேனல்களைப் பார்க்கமாதந்தோறும் பணம் செலுத்த வேண்டும். ஆனால், தூர்தர்ஷனின் டிடிஎச் ஒளிபரப்பு இலவசம் என்பதுகுறிப்பிடத்தக்கது.

இதில் தூர்தர்ஷன் செய்திகள் தவிர 32 சேனல்கள் இடம் பெற்றுள்ளன. இந்த தொகுப்பில் தூர்தர்ஷனின்பொதிகை, சன் டிவி ஆகிய தமிழ்ச் சேனல்களும் இடம் பெற்றிருந்தன. இப்போது சன் டிவியின் இடம் ஜெயாடிவிக்கு தரப்பட்டுள்ளது.

சன் டிவி குழுமம் தனது டிடிஎச் ஒளிபரப்பை அக்டோபர் மாத இறுதியில் தொடங்கும் என்று தெரிகிறது.

முக்கிய தமிழ் சேனல்கள் மற்றும் பிற மொழிகளில் தமிழக மக்கள் அதிகம் பார்க்கும் சேனல்கள் அகியவை சன்குழும டிடிஎச் தொகுப்பில் இடம் பெறும் என்று தெரிகிறது.

சன் டிவி தவிர ஸ்டார் ஸ்கை என்ற நிறுவனமும் விரைவில் டிடிஎச் ஒளிபரப்பைத் தொடங்கவுள்ளது. இது டாடாமற்றும் ஸ்டார் டிவி நிறுவனங்களின் கூட்டு முயற்சியாகும்.

இந்த டிடிஎச் விவகாரத்தில் தான் டாடாவை மத்திய அமைச்சர் தயாநிதி மாறன் மிரட்டினார் என தேர்தல் நேரத்தில்வைகோ குண்டைப் போட்டு அது புஸ் ஆகிப் போனது நினைவுகூறத்தக்கது.