தீவிரவாதம: ஆஸ்திரேலிய முஸ்லீம்களுக்கு ஹாவர்ட் அட்வைஸ்

கேன்பெர்ரா:

ஆஸ்திரேலியாவில் வசிக்கும் முஸ்லீம்கள் தீவிரவாதத்தை மேலும் தீவிரமாக கண்டிக்க முன் வர வேண்டும் எனஅந் நாட்டு பிரதமர் ஜான் ஹாவர்ட் கோரிக்கை விடுத்துள்ளார்.

அமெரிக்காவில் நடந்த செப்டம்பர் 11 தாக்குதலை முன்னிட்டு அவர் நிகழ்ச்சியொன்றில் பேசிய ஜான் ஹாவர்ட்,ஆஸ்திரேலியாவில் உள்ள முஸ்லீம்களில் ஒரு பிரிவினர் சமூகத்துடன் முழுமையாக இணையாமல் உள்ளனர்.இதனால் மதவாதத்தை ஆதரிக்கும் அபாயத்தில் அவர்கள் உள்ளனர்.

ஆனால், பெரும்பாலான முஸ்லீம்கள் தீவிரவாதத்தை கண்டிக்கின்றனர். மிகச் சிலர் தான் தீவிரவாதத்தைவன்மையாக கண்டிக்க மறுக்கின்றனர் என்றார்.

ஆனால், ஹாவர்டின் பேச்சு சமூகத்தில் பிரிவினையை தூண்டும் வகையில் இருப்பதாக இஸ்லாமிய அமைப்புகள்கூறியுள்ளன. தீவிரவாத தாக்குதலை வன்மையாக கண்டித்து வரும் ஆஸ்திரேலிய இஸ்லாமிக் கவுன்சில்பெரடேசன், ஜான் ஹாவர்டுக்கு கண்டனம் தெரிவித்துள்ளது.

இஸ்லாமிக் பிரண்ட்ஷிப் அசோசியேசன் தலைவர் கேசர் டிராட் கூறுகையில்,

ஹாவர்டின் பேச்சு சமூகத்தில் பிரிவினயை தூண்டும் வகையில் உள்ளது. சமீபகாலமாக அவரது இதுபோன்றபேச்சுக்கள் காரணமாக ஆஸ்திரேலியாவில் முஸ்லீம்கள் மீதான தாக்குதல் அதிகரித்து வருகிறது.

முஸ்லீம்களை மட்டும் குறிப்பிட்டு குறை சொல்லாமல், அனைவரும் சேர்ந்து வசிக்கும் வகையில் சூழ்நிலையைஉருவாக்கும் வேலையை ஹாவர்ட் செய்ய வேண்டும் என்றார்.

ஆஸ்திரேலியாவில் சுமார் 2.8 லட்சம் முஸ்லீம்கள் உள்ளனர். நாட்டின் மக்கள் தொகையில் இது 1.5சதவீதமாகும்.