தமிழ்ப் பெயர்: பழைய படங்களுக்கும் வரி விலக்கு

சென்னை:தமிழில் பெயர் சூட்டப்பட்ட பழைய திரைப்படங்களுக்கும் கேளிக்கை வரியிலிருந்துவிலக்கு அளிக்கப்படும் என முதல்வர் கருணாநிதி அறிவித்துள்ளார்.

இதுதொடர்பாக தமிழக அரசு வெளியிட்டுள்ள செய்திக்குறிப்பு:

தமிழில் பெயர் சூட்டப்படும் புதிய தமிழ்த் திரைப்படங்களுக்கு கேளிக்கைவரியிலிருந்து விலக்கு அளிக்கப்படும் என ஏற்கனவே அறிவிக்கப்பட்டுள்ளது.

பழைய படமாக இருந்தாலும், புதிய படமாக இருந்தாலும் தமிழில்தான் பெயர்சூட்டப்பட்டுள்ளது என்று வணிக வரி ஆணையரிடம் அனுமதி பெற்றால் வரி விலக்குஅளிக்கப்படும் என முதல்வர் கருணாநிதி தெளிவுபடுத்தியிருப்பதாக அந்தசெய்திக்குறிப்பில் தெரிவிக்கப்பட்டுள்ளது.